SOCAR AQŞ Türkiyədə yeraltı qaz anbarlarının inşası layihəsinə başlayır

XƏBƏR / 17.10.2019 23:38
SOCAR AQŞ Türkiyədə yeraltı qaz anbarlarının inşası layihəsinə başlayır

Oktyabrın 17-də İstanbulda SOCAR AQŞ ilə "China CAMC Engineering Co., Ltd. - IC İçtaş İnşaat Sanayi ve Ticaret A.Ş.” birgə müəssisəsi arasında "Duz gölü yeraltı qaz anbarlarının genişləndirilməsi” layihəsi çərçivəsində müqavilə imzalanıb.

carciTV xəbər verir ki, müqaviləyə əsasən, SOCAR AQŞ Duz gölü ərazisində 40 quyunu qazaraq sifarişçiyə təhvil verəcək. Nəzərdə tutulan müqavilənin dəyəri 100 milyon ABŞ dolları civarındadır.

"China CAMC Engineering Co., Ltd. - IC İçtaş İnşaat Sanayi ve Ticaret A.Ş.” birgə müəssisəsinin baş direktoru Mehmet Murat Kurtuluş bildirib: "Bu layihə iki şirkət və nəticədə Azərbaycanla Türkiyə arasında əməkdaşlığın yeni vüsət almasına, dərinləşməsinə təkan verəcək. "Duz gölü yeraltı qaz anbarlarının genişləndirilməsi” layihəsi Türkiyənin "mavi yanacağa” olan tələbatının davamlı təminatı baxımından müstəsna əhəmiyyətə malikdir. Bu missiyanın uğurla həyata keçirilməsində SOCAR AQŞ-nin də böyük rolu olacaq”.

SOCAR AQŞ-nin baş direktoru Ramin İsayev deyib: "SOCAR AQŞ ölkəmizdən məhsul və xidmətlərin ixracının artırılmasında dövlət siyasətimizə uyğun olaraq, qazma sahəsində xidmətlərin göstərilməsi istiqamətində regionda nəhəng tenderlərdə uğurla iştirak edir. Bugünkü müqavilənin imzalanmasına nail olmağımız çox qürurvericidir. Biz, qardaş Türkiyə dövlətinin enerji təhlükəsizliyinin başlıca sahələrindən biri hesab edilən yeraltı qaz anbarlarının tikintisində iştirakımızı yüksək qiymətləndirir və bu istiqamətdə gələcək əməkdaşlığımızı genişləndirmək niyyətindəyik”.

Layihə çərçivəsində qazılacaq quyularda 4 milyard kubmetr təbii qazın ehtiyatda saxlanılması nəzərdə tutulur.

Türkiyədə quruda qazma bazarında özünə layiqli yer tutan ilk milli müəssisə olan SOCAR AQŞ Azərbaycan qazma sahəsinin 150 ildən çox zəngin tarixinə söykənərək bu layihənin icrası zamanı gənc türk mütəxəssislərinin bilik və bacarıqlarının artırılmasına da öz töhfəsini verəcək.

Qeyd edək ki, SOCAR AQŞ 2007-ci ildə SOCAR və Abşeron Qazma Şirkətinin şirkətinin təsis etdiyi, kompleks qazma və quyu xidmətləri göstərən müştərək müəssisədir. Şirkətin göstərdiyi xidmət sahəsinə neft və qaz quyuların qazılması, quyuların layihələndirilməsi və planlaşdırılması, maili istiqamətləndirilmiş quyuların qazılması, horizontal quyuların qazılması, quyuların mənimsənilməsi, quyuların əsaslı təmiri, yan lülələrin və çoxşaxəli quyuların qazılması kimi fəaliyyətlər daxildir. Bundan başqa, şirkət təchizat sistemlərinin, anbar təsərrüfatının və digər əlaqəli xidmətlərin idarə olunması sahəsində də zəngin təcrübəyə malikdir.

Hazırda SOCAR AQŞ Xəzərdə 4 neft və qaz yatağında, o cümlədən dayazsulu "Günəşli”, "Qərbi Abşeron”, "Ümid” və "Bulla” yataqlarında mövcud olan 5 platformada 6 qazma qurğusu vasitəsilə qazma işlərini aparır. Şirkətdə 1112 əməkdaş çalışır, onların da tam əksəriyyəti Azərbaycan vətəndaşlarıdır. SOCAR AQŞ Ukrayna və Banqladeşdə də fəaliyyət coğrafiyasını genişləndirməklə müvafiq müqavilələr üzrə nəzərdə tutulan işlərin icrasını uğurla həyata keçirir.

2009-cu ildən etibarən şirkət Qazma Podratçılarının Beynəlxalq Assosiasiyasının (International Association of Drilling Contractors - IADC) üzvüdür. SOCAR AQŞ inteqrə olunmuş qazma və quyu xidmətlərinin göstərilməsi sahəsində API Spec Q2- Keyfiyyət İdarəetmə Sisteminin standartının tələblərinə uyğun sertifikat ilə təltif olunub. SOCAR AQŞ regionda API Spec Q2 sertifikatı ilə təltif olunmuş ilk və yeganə qazma müəssisəsidir.

SOCAR AQŞ ötən ilin noyabrında BMT Qlobal Sazişinə qoşulub.

Müəssisənin səhmdarları SOCAR, "Nobel Oil Services” və "Abşeron Qazma” MMC-dir.


Oxunub: 66



SON XƏBƏRLƏR

2020-06-06

Product image

23:31 Azərbaycanda ilk dəfə dəniz suyu çaya qarışıb, kəndlər susuz qalıb

Product image

23:17 Azərbaycanda daha 379 nəfər koronavirusa yoluxub, 153 nəfər sağalıb

Product image

15:25 AZAL rəhbəri Prezidentə məktub yazdı

Product image

15:22 Şəbnəm Tovuzlu karantində hamilə qaldı

Product image

14:59 Bakı polisi bu qızların hamısını saxladı - Məşhurlar da var - RƏSMİ

Product image

14:38 Dünən apteklərdə ən çox nə satılıb?

Product image

14:21 Bakı sakinlərinə XƏBƏRDARLIQ

Product image

13:29 Bakıda yeni Mall tikiləcək son xəbər

Product image

12:26 Azərbaycanda insanlar koronavirusdan KÜÇƏLƏRDƏ ÖLƏCƏK

Product image

10:56 İcazəsi olanlar işə şəxsi avtomobillə deyil, velosipedlə gedə bilərlər son xəbər

2020-06-05

Product image

22:17 Prezidentə yazırlar: Sizin xalqımızın birliyini, sağlamlığını və rifahının yüksəlməsini təmin edən siyasətinizi dəstəkləyirik

XƏBƏR ARXİVİ
ÇOX OXUNANLAR

TƏBRİK EDİRİK!

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Seyid Füğara Ağa

Möhtəşəm mitinqi başladı - bütün dünya Azərbaycandan danışırYüz minlərlə insan küçələrə çıxdı!

Keçmiş hakim dələduzluqda ittiham olunur - Adı qətl sifarişçisi kimi hallanıb

Nərmanov icra başçısının oğlu əlində 20 min dollar və qolunda 130 min manatlıq saatla POZ VERDİ VİDEO+FOTO

İDMAN Product image

01:05 "Çelsi" möhtəşəm transferi reallaşdırır: 5 illik müqavilə ilə!

Product image

19:31 Tayson 15 il sonra rinqə qayıdır

Product image

21:02 "Beşiktaş"da koronavirus şoku: 8 yoluxma

Təqvim