Azərbaycanda əməkhaqqı və sosial ödənişlər artırılacaq

CANLI TV / 19.09.2021 00:39

Azərbaycanda əməkhaqqı və sosial ödənişlər artırılacaq

Azərbaycanın 2022-ci il dövlət büdcəsinin layihəsinə əsasən gələn il əməkhaqlarında və sosial ödənişlərdə artım nəzərdə tutulub.

Gələn il dövlət büdcəsinin xərcləri 28,974 milyard manat məbləğində (ÜDM-in 35,6 faizi) proqnozlaşdırılıb.

"carciTV" xəbər verir ki, layihəyə görə, gələn il cari xərclər artırılaraq büdcənin 68,7 faizini, yəni 19,9 milyard manat təşkil edəcək. Xərclərin artmasına təsir göstərəcək əsas amil isə əməyin ödənişi və sosial ödənişlərin artırılması olacaq.

Əməyin ödənişi və sosial ödənişlərin artırılması hesabına cari xərclər 2021-ci illə müqayisədə 10,5 faiz və ya 1,89 milyard manat artacaq.

Layihə sənədində qeyd edilir ki, qarşıdakı illərdə əməyin ödənişi, təqaüdlər və sosial müavinətlər, o cümlədən əhalinin aztəminatlı təbəqələrinin sosial müdafiəsinin möhkəmləndirilməsi üzrə maliyyə təminatının yaradılması əsas prioritet xərc istiqamətlərindən olacaq.

Ortamüddətli dövr ərzində büdcə gəlirlərinin artırılması nəticəsində cəlb ediləcək əlavə vəsaitlərin mühüm qismi əhalinin sosial rifahının yaxşılaşdırlmasına, yardıma ehtiyacı olan vətəndaşlara hədəflənmiş sosial proqramların həyata keçirilməsinə yönəldiləcək.

Sənəddə Beynəlxalq Valyuta Fondunun məlumatına əsasən o da vurğulanır ki, son iki ildə minimum əmək haqqının və büdcə təşkilatlarında çalışan işçilərin əmək haqlarının artımı nəticəsində əməyin ödənişi xərcləri 2020-ci ildə ÜDM-in 9 faizinə çatıb:

"Bu nisbət Qafqaz və Mərkəzi Asiya regionunda ikinci ən yüksək göstəricidir. Cari xərclərin, ələlxüsus da əmək haqqı xərclərinin dayanıqlı olmayan mənbələr hesabına artımı və əmək məhsuldarlığı ilə uzlaşdırılmaması uzunmüddətli dövrdə makroiqtisadi və maliyyə dayanıqlığı üçün sınağa çevrilə bilər”.

Oxunub: 24

SON XƏBƏRLƏR

2021-10-23

01:02 Qarabağdakı türk hərbçilər İLK DƏFƏ GÖRÜNTÜLƏNDİ: Yüzlərlə əsgər...

2021-10-22

02:17 Putin BƏYAN ETDİ: Xəritələr bizdədir - Sərhəd məsələsi belə həll olunacaq

01:50 Birinci vitse-prezident Mehriban Əliyeva rəsmi instaqram səhifəsində Zəngilan səfərindən görüntü paylaşıb

01:21 İLHAM ƏLİYEVİN DƏMİR YUMRUĞU

2021-10-07

20:51 BİZİM İŞİMİZ HAQQ İŞİDİR

2021-10-21

02:35 Ulu Öndərin arzularını reallaşdıran islahatçı Prezident

2021-10-20

13:06 Mətbuat katibləri sahəsi üzrə MÜTƏXƏSSİS olmalıdırmı? – “Televiziyalardan gətirilənlər...”

12:52 Azərbaycan Respublikasının Birinci vitse-prezidenti Mehriban Əliyeva rəsmi instaqram səhifəsində Füzulidən olan keçmiş məcburi köçkünlərlə görüşü ilə bağlı paylaşım edib