reklam
USD
29 ℃
EUR
BAKI

TORPAQLARIMIZIN AZAD EDİLMƏSİ DAHİ LİDERİN ƏN ÜMDƏ VƏSİYYƏTİ İDİ

MÜSAHİBƏ / 12.01.2022 17:08

TORPAQLARIMIZIN AZAD EDİLMƏSİ 
DAHİ LİDERİN ƏN ÜMDƏ VƏSİYYƏTİ İDİ


     Prezident, Müzəffər Ali Baş Komandan İlham Əliyevin Vətən müharibəsinin sonlarında işlətdiyi bir ifadə Azərbaycan xalqının yaddaşına həkk olundu. Dövlətimizin başçısının Şuşanın azad edildiyi gün Azərbaycan xalqına müraciətində ata vəsiyyətini yerinə yetirdiyi üçün xoşbəxt olduğunu söyləməsi unudulmaz məqamlardan biridir. Ulu öndər Heydər Əliyev Azərbaycana rəhbərliyinin hər iki dövründə ölkəmizin suverenliyi, inkişafı, xalqımızın mənafeyi uğrunda misilsiz xidmətlər göstərib. Torpaqlarımızın işğaldan azad edilməsi həqiqətən də dahi liderin ən ümdə vəsiyyəti idi. Ulu Öndərimizin siyasətinin layiqli davamçısı Prezident, Müzəffər Ali Baş Komandan İlham Əliyev bu vəsiyyəti yerinə yetirdi.
     Müstəqilliyin bərpasının ilk illərində rəhbərlikdə olan şəxslərin kürsü uğrunda mübarizə aparması, dağınıq ordu, hazırlıqsız hücumlar acı sonluqla nəticələndi. Heydər Əliyev ikinci dəfə hakimiyyətə gələndən sonra ən birinci məsələ kimi Qarabağın işğaldan azad olunması, ərazi bütövlüyümüzün bərpasını qarşıya məqsəd qoymuşdu. Həmin məsələ Prezident İlham Əliyevin də siyasi kursunun əsasını təşkil edirdi. Demək olar ki, otuz il ərzində bu məsələlər strateji olaraq düşünülürdü, hazırlıq gedirdi. Təəssüf ki, işğalçı Ermənistan sülh yoluna getmədi, müxtəlif vaxtlarda təxribatlara əl atdı. 2020-ci il sentyabrın 27-də Müzəffər Ali Baş Komandanın rəhbərliyi, rəşadətli Ordumuzun əsgər və zabitlərinin canı-qanı bahasına əzəli və əbədi torpaqlarımız 44 gün ərzində düşmən tapdağından qurtarıldı. Bu gün həmin rayonlarda Azərbaycan bayrağı dalğalanır. Hazırda həmin ərazilər minalardan təmizlənir, quruculuq işləri aparılır, yollar salınır, infrastruktur layihələri həyata keçirilir, ekoloji bərpa işləri görülür. Azad olunmuş ərazilərdə inkişaf bundan sonra da sürətlə davam edəcək. Qısa müddətdən sonra həm bu torpaqların sakinləri, həm də digər vətəndaşlarımız düşmən əsarətindən xilas edilən ərazilərə gedəcək və yaşayacaqlar. Bir daha bəyan edirik ki, Azərbaycan heç vaxt bir qarış torpağını belə heç kimə güzəştə getməyəcək.
     Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin Nazirliyin qarşısında qoyduğu mühüm tapşırıqların icra vəziyyəti barədə ətraflı danışıb. Belə ki, Prezidentin rəhbərliyi ilə ölkəmizdə COVID-19 pandemiyası ilə sistemli və effektli mübarizə aparılmış, ötən dövr ərzində Fövqəladə Hallar Nazirliyi tərəfindən bu istiqamətdə işlər görülmüş, infeksiyanın ölkəmizdə geniş yayılmasının qarşısının alınması məqsədilə ölkə başçısının tapşırıqları əsasında aidiyyəti üzrə preventiv tədbirlər həyata keçirilmişdir. Prezident İlham Əliyev və Birinci vitse-prezident Mehriban Əliyevanın bilavasitə diqqət və qayğısı sayəsində Nazirliyin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalının qısa müddətdə ərsəyə gəlməsi xəstəliklə mübarizədə atılan mühüm addımlardan biri oldu. Hazırda hospital koronaviruslu xəstələrin müalicəsi üzrə uğurlu fəaliyyətini davam etdirir.
     Həmçinin Müzəffər Ali Baş Komandan İlham Əliyevin müdrik rəhbərliyi altında şanlı Ordumuz tərəfindən 44 gün davam etmiş Vətən müharibəsində əldə edilmiş tarixi Zəfər və qələbə sayəsində Ermənistanın 30 ilə yaxın müddətdə işğal altında saxladığı əzəli torpaqlarımız azad olundu. Vətən müharibəsindən dərhal sonra Prezidentin tapşırıqlarına uyğun olaraq işğaldan azad olunmuş ərazilərdə minatəmizləmə fəaliyyətinə başlanılmış hazırda minatəmizləmə işləri sürətlə davam etdirilir. 30 ilə yaxın müddətdə işğal altında saxlanılmış və tamamilə viran qoyulmuş torpaqlarda bu gün misli görünməmiş abadlıq-quruculuq və yenidənqurma işləri görülür. Qarabağ və Şərqi Zəngəzur ərazisi hazırda böyük bir tikinti meydanına çevrilmiş, nəhəng infrastruktur layihələri icra olunmuş, yaşayış məntəqələri tamamilə yenidən qurulur, sənaye, kənd təsərrüfatı və xidmət sektoruna aid müəssisələr inşa olunub. Böyük sürətlə icra olunan bu işlərdə aidiyyəti üzrə təhlükəsizliyin, o cümlədən yanğın təhlükəsizliyi, tikintidə, sənaye və dağ-mədən işlərində təhlükəsizliyin, radioloji təhlükəsizliyin təmin olunması istiqamətində Nazirliyin qurumları tərəfindən intensiv iş aparılır.
     Düşmənin vəhşiliklərinin üstü indi açılıb. O ərazilər insanları məhv etmək üçün minalanıb, hər yeri dağıdıblar. Əgər bu torpaqlar sizindirsə, niyə dağıntılar törədirdiniz? Bu, onların xislətini göstərir. Bizim gördüyümüz işlər təkcə mina təmizləməsini əhatə etmir. Orda su, qaz, elektrik təminatı olmalıdır. Bunlar vacib məsələlərdir. Prezidentin tapşırığı ilə FHN-də xüsusi bir alay yaradılıb. Minaaxtaranlarımız ANAMA və Müdafiə Nazirliyi ilə bilikdə əməkdaşlıq edirlər. Minalar təmizlənəndən sonra azad edilmiş ərazilərdə kəndlərin, şəhərlərin, sənayenin inkişafı üçün, bundan sonra orda insanların rahat yaşaması üçün şərait yaradılacaq. Ora min il əvvəl Azərbaycan torpağı idi, min il sonra da elə olacaq.

Kəmaləddin HEYDƏROV,
Azərbaycan Respublikasının Fövqəladə Hallar naziri, general-polkovnik



Oxunub: 394






SON XƏBƏRLƏR

2024-07-22

23:03 Azərbaycan caz sənətinin əfsanəsi Vaqif Mustafazadənin yeni lent yazısı tapılıb

Product image

22:31 Balballar: Tarixin daş mühafizəçiləri

Product image

2024-07-23

21:48 Dövlət İmtahan Mərkəzinin Müşahidə Şurasının tərkibi təsdiq edilib – SƏRƏNCAM

Product image

21:41 Milli Məclisə seçkilərlə əlaqədar “Polis əməkdaşları üçün yaddaş kitabçası” hazırlanıb

Product image

21:30 Hansı məhsul və xidmətin qiyməti hansı qurum tərəfindən tənzimlənir?

Product image

21:23 Sabiq nazirin qızı da deputatlığa namizəd oldu

Product image

2024-07-21

02:20 Azərbaycanın uğurları Prezident İlham Əliyevin beynəlxalq arenada nüfuzunun bariz nümunəsidir

Product image

01:00 Prezidentin forum iştirakçıları ilə səmimi - Fotoları

Product image

00:51 Prezident Şuşada forum iştirakçıları ilə görüşür - Canlı

Product image

00:34 Prezident İlham Əliyev: Biz istəyirik ki, Azərbaycanda keçiriləcək COP29 həmrəylik tədbiri olsun

Product image

00:24 Şuşada 2-ci Qlobal Media Forumunun açılış mərasimi keçirilib. Prezident İlham Əliyev Forumda iştirak edib

Product image
XƏBƏR ARXİVİ
ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

21:39 Boksçumuz ermənistanlı rəqibini məğlub edərək finala yüksəldi

Product image

00:38 "Qarabağ" yenə "Neftçi"ni darmadağın etdi

Product image

21:55 Azərbaycan savatçıları İtaliyada 4 qızıl medal qazanıblar TƏBRİK EDİRİK

Product image
Təqvim