İşğaldan azad edilmiş ərazilər Azərbaycanın digər regionlarının sosial-iqtisadi inkişafı ilə ayaqlaşacaq

MÜSAHİBƏ / 03.09.2022 09:56

İşğaldan azad edilmiş ərazilər Azərbaycanın digər regionlarının sosial-iqtisadi inkişafı ilə ayaqlaşacaq

Otuz il mənfur düşmənlərimiz tərəfindən işğal altında saxlanılan, bütün tarixi, mədəni abidələri, infrastrukturu dağıdılan ərazilərimiz işğaldan azad edildikdən sonra bu ərazilərdə yenidənqurma və bərpa işlərinin aparılması istiqamətində mühüm addımlar atılıb. Vaxt itirmədən yenidənqurma işlərinin aparılması, bütün sahələrdə infrastrukturun yaradılması üçün layihələr hazırlanıb və bu layihələrin sürətlə reallaşdırılmasına başlanılıb.

Bunu Yeni Azərbaycan Partiyası Yevlax rayon təşkilatının sədr müavini Elnarə Əzizova deyib. E.Əzizova bildirib ki, işğaldan azad edilmiş ərazilərdə layihələrin reallaşdırılması üçün Azərbaycana xarici şirkətlər dəvət edilib. Xüsusilə, qardaş Türkiyə şirkətləri bu prosesdə fəal iştirak edəcəklər.

Bu ilin sonunadək azad olunmuş ərazilər 100 faiz elektrik enerjisi ilə təmin ediləcək. Magistral yolların inşası prosesinə başlanıb. Azad olunmuş ərazilər "yaşıl enerji” zonası elan edilib və orada əsasən bərpa olunan enerji mənbələrindən – su, günəş və külək enerjisindən istifadə ediləcək. Bir milyondan çox insan üçün yaşayış evləri tikilməli və infrastruktur yaradılmalıdır. Bunların böyük hissəsi də dağlıq ərazilərdir ki, bu da işləri bir qədər çətinləşdirir. Buna baxmayaraq, Azərbaycan bu ərazilərə öz keçmiş gözəlliyini geri qaytaracaq. Qısa zaman kəsiyində bütün istiqamətlərdə işlər başa çatacaq və işğaldan azad edilmiş ərazilər Azərbaycanın digər regionlarının sosial-iqtisadi inkişafı ilə ayaqlaşacaq.

"carciTV"

Oxunub: 327