Haqqımızda Əlaqə

USD -

- ℃

EUR -

BAKI

Rahib KƏRİMLİ, TURAN

NƏŞR / 20.10.2023 23:18

Rahib KƏRİMLİ, TURAN

TURAN

Yol yeridim gündüz-gecə - axşam mənim, sabah mənim

Ən müqəddəs dərgah mənim, ən mübarək yer mənimdi,

Dədəm Qorqud boy boylayıb - savab mənim, günah mənim.

Yaxın mənim, ucqar mənim – Turan elim

Övladları ər oğullar – Turan elim

Dünyaya sözüm "Manas” - uca Tanrım hər işimdən agah mənim

Şeirim kəskin silah kimi - bumbuz bulaq, yurdda axar çaylar mənim

Uca sözüm Yaradandı, ruhun səsi - Qopuz mənim, ud mənimdi

Yaxın mənim, ucqar mənim – Turan elim

Övladları ər oğullar – Turan elim

Tarixlərin nişanı, neçə-neçə ölkəyəm, yenilməz birlik mənim

Vətənimin torpağıyam, göyüyəm, Orxon Yenisey mənim

Doqquz iqlimə bağlı doqquz oğuz bəyləri – fatehlər mənimdi

Yaxın mənim, ucqar mənim – Turan elim

Övladları ər oğullar – Turan elim

Turan dedi uca Əmir Teymurun basılmaz orduları

Turan dedi ruhumuz, əcdadımız gör nə zamandan bəri

Ruhu dünyaya çatan, hikmət dolu dahi Heydər mənimdi,

Yaxın mənim, ucqar mənim – Turan elim

Övladları ər oğullar – Turan elim

Babəklərim, Tomrislərim, şah Xətaim güvəniblər qollarına

Döyüşlərdə torpaq üstə ərənlərim boyanıbdır qanlarına

Öz yenilməz yumruğuyla İlham adlı Komandanım mənimdi

Yaxın mənim, ucqar mənim – Turan elim

Övladları ər oğullar – Turan elim

Baykal, Xəzər, Göyçə gölü intizarda, "Çırpınır Qara dəniz”

Uzaq Şərqdən Avropaya şirürəkli igidlərin qoyubdur iz

Atatürk, Səttar xan, Ərdoğan, Bilgə xaqan mənimdi

Yaxın mənim, ucqar mənim – Turan elim

Övladları ər oğullar – Turan elim

Vətənim - bütöv Turan deməkdir - ruhu üfüqlərdə, kökləri dərindədi

Nizami, Nəsimi, Nəvai, Füzuli, Üzeyir, Cavid - bütöv Turan deməkdi

İbn-Sina, Fərabi, Biruni hikməti, Mövlana, Lütvi Zadə mənimdi

Yaxın mənim, ucqar mənim – Turan elim

Övladları ər oğullar – Turan elim

Rahib KƏRİMLİ, TURAN

Rahib KƏRİMLİ, TURAN

Rahib KƏRİMLİ, TURAN

Oxunub: 223