“Exit-poll” keçirəcək təşkilat: Seçicilər Azərbaycanı yaşamaq üçün olduqca təhlükəsiz hesab edirlər

REPORTAJ / 02.02.2024 23:50

"Exit-poll” keçirəcək təşkilat: Seçicilər Azərbaycanı yaşamaq üçün olduqca təhlükəsiz hesab edirlər

Seçicilər Azərbaycanı yaşamaq üçün olduqca təhlükəsiz ölkə hesab edirlər.

"carciTV" xəbər verir ki, bu fikirlər ABŞ-ın "Oracle Advisory Group” təşkilatı və "Vətəndaşların Əmək Hüquqlarını Müdafiə Liqası”nın Azərbaycanda seçki mühitinin ölçülməsi məqsədilə keçirdiyi sosioloji sorğunun nəticələrində öz əksini tapıb.

Sorğuya əsasən, "Azərbaycanın digər qeyri-sabit ölkələrdən fərqli olaraq, regionda ən sabit ölkə olması ilə razısınızmı” sualına rəyi soruşulanların 85,4 faizi müsbət cavab verib.

"Prezident seçkiləri bu günə təyin edilsəydi və namizədlər aşağıdakı şəxslər olsaydı, kimə səs verərdiniz?” sualına verilən cavablar göstərir ki, respondentlərin böyük əksəriyyəti hazırkı ölkə rəhbərindən razıdır.

Belə ki, respondentlərin 97 faizi İlham Əliyevin, 1,2 faiz Zahid Orucun, 0,7 faiz Fazil Mustafanın, 0,5 faiz Razi Nurullayevin, 0,3 faiz Qüdrət Həsənquliyevin, 0,2 faiz Fuad Əliyevin, 0,1 faizi isə Elşad Musayevin adını çəkib.

Yekunda bildirilir ki, ictimai rəyin öyrənilməsinə yönəlmiş seçkiöncəsi sorğunun nəticələrinə əsasən əhali hazırkı hakimiyyətə inanır və onun siyasi xəttini dəstəkləyir.

Oxunub: 178