İntihar məktubunu şagird özü yazıb – Direktor müavini

Reportaj / 06.12.2017 12:20

Sagirdimizin intihar etməzdən öncə ailəsinə yazıb qoyduğu məktub onun Azərbaycan dili müəllimi tərəfindən də araşdırılıb. Müəllimi də təsdiqləyib ki, məktub İsmayılın özü tərəfindən yazılıb, xətt onun xəttidir.

Bu sözləri Axar.az-a Ağdaş rayon Ləki qəsəbə tam orta məktəbin direktor müavini Qumru Abbasova sözügedən məktəbin intihar edən 12 yaşlı şagirdinin ölümündən öncə ailəsinə yazdığı məktubla bağlı danışarkən deyib.

Direktor müavininin sözlərinə görə, İ.Adıgözəlov məktəbin ən yaxşı oxuyan şagirdlərindən olub və məktubdakı yazı üslubu da ona aiddir:

"Məktubu biz də araşdırmışıq, İsmayılın Azərbaycan dili müəlliminə də göstərilib. Müəllim özü də təsdiqləyib ki, onun xəttidir. İsmayıl yaxşı oxuyan uşaq olub. Danışığı və yazısı da yüksək səviyydə idi. Müəllimi də təsdiqləyib ki, cümlələr, cümlə quruluşu da, xətt də özünündür. Bəli, mətndə çoxlu hərf səhvləri var, sonda yazılan "Tovlaya bax” sözü də yanlış yazılıb. Ancaq burada söhbət intihardan gedir axı. O, bunu tələsik də yaza bilər. Ancaq biz təsdiqləyirik ki, məktub onun öz xətti ilə yazılıb, hətta sonuncu söz də”

Biz də hər kəs kimi məəttəl qalmışıq. Bu ilk belə hadisədir ki, məktəbimizdə baş verir. Ailə qədər biz də təəccüb və dəhşət içindəyik”.

Q.Abbasovanın sözlərinə görə, İ.Adıgözəlovun sinif yoldaşları ilə də söhbət aparılıb. Onlar da şokdadır. Heç biri bu barədə məlumatlı deyil:

"İsmayıl dərsdən bir gün belə qalmazdı. Xəstə olduğu günlərdə də müəllimi deyirdi "qal evdə, sağal, gələrsən”, ancaq qalmırdı. Xaraktercə çox mehriban idi. Bizi gün ərzində 5 dəfə də görsə, hər dəfə salam verib hal-əhval tuturdu. Dərslərində də heç vaxt hansısa problem olmayıb. Məktəblə yanaşı, Quran dərslərinə də gedirdi. Ailə üzvləri də namaz qılan, oruc tutandır”.

Son günlər məktəblilərin intiharına səbəb olan "Mavi balina” oyununun bu intiharla da əlqəsinin olub-olmadığı maraq doğursa da, intihar edən məktəblinin müəllimi belə ehtimalın olmadığını bildirib:

"İntiharın həmin oyunla əlaqəsi ola bilməz. Nəzərə alın ki, ailə çox kasıbdır. Uşağın mobil telefonu yox idi ümumiyyətlə. Anada telefon var idi, onunla da ancaq danışmaq mümkündür. Köhnə telefondur, interneti yoxdur. Kasıb ailənin evində internet, kompüter hardandır ki, uşaq da elə oyun oynasın”.

Qeyd edək ki, 2005-ci il təvəllüdlü Adıgözəlov İsmayıl Çingiz oğlu yaşadığı evin həyətindəki tövlədə özünü kəndirlə asaraq intihar edib. 12 yaşlı məktəbli intihardan əvvəl valideynlərinə məktub yazıb. O, məktubda peyğəmbərin yanına getmək üçün intihar etdiyini qeyd edib. Uşağın psixoloji problemlərinin olmadığı, məktəbdə dərslərini yaxşı oxuduğu bildirilir.

12 yaşlı məktəblinin intiharında ən çox müzakirə edilən isə onun ölümündən öncə ailəsinə yazdığı məktubdur. Məktubun olduqca səliqəli və düzgün yazılması, bəzi hərf səhvlərini çıxmaqla, əlavə heç bir yanlışlğın olmaması təəccüb doğurub. Müzakirə edənlər bildirib ki, mətndəki cümlələr tamdır və fikir bitmiş formadadır, bu da 12 yaşlı uşağın yaza biləcəyi cümlələr deyil. Üstəlik, bu cür dolğun məktub yazan uşağın sonda "Tovlaya bax” ("tövlə” əvəzinə) qeydi də şübhələr doğurub.

Faktla bağlı Ağdaş Prokurorluğu tərəfindən araşdırma aparılır.

Oxunub: 2444

SON XƏBƏRLƏR

2025-02-21

19:45 Bəxtiyar Vahabzadənin adına metro stansiyası açılacaq? - TƏKLİF

19:29 Xalq şairi Bəxtiyar Vahabzadənin 100 illiyi qeyd ediləcək – SƏRƏNCAM

19:23 Xankəndidə tikilən “Bulud” hoteli bölgədə turizmin inkişafında mühüm rol oynayacaq

19:19 Prezident İlham Əliyev Artur Rasi-zadəyə “Heydər Əliyev” ordenini təqdim edib

18:29 Xankəndi tikiş fabrikində qısa müddətdə 50 minə yaxın idman köynəyi istehsal olunub

2025-02-19

03:47 Prezident İlham Əliyevin Ağdam rayonuna səfəri: Ağdam şəhərində “Hilton Garden İnn” hotelində aparılan tikinti işləri ilə tanışlıq

03:40 Prezident İlham Əliyev “Ağdam Residence” yaşayış kompleksində yaradılan şəraitlə tanış olub VİDEO

03:31 Prezident İlham Əliyev Ağdam Muğam Mərkəzində görülən tikinti işləri ilə tanış olub VİDEO

03:24 Natalya Koçanova: Belarusla Azərbaycanın əlaqələri illərin sınağından çıxmış qarşılıqlı münasibətlərə əsaslanır

03:20 Baş nazir Əli Əsədov İran Prezidenti Məsud Pezeşkianla görüşüb

03:13 Ağdam şəhərində 1 nömrəli körpələr evi-uşaq bağçasında aparılan tikinti işləri ilə tanışlıq VİDEO

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim