Azərbaycan Respublikasının Prezidenti cənab İlham Əliyevə

Reportaj / 08.12.2017 01:54

Surəti: Azərbaycan Respublikasının Birinci Vitse-Prezidenti Xanım Mehriban Əliyevaya,

Surəti: Azərbaycan Respublikasının Fövqəladə Hallar naziri cənab Kəmaləddin Heydərova,

Surəti: Azərbaycan Respublikasının Daxili İşlər naziri cənab Ramil Usubova

Surəti: CARÇI.TV saytının rəhbəri cənab Rahib Kərimliyə

Yevlax rayonunda qeydiyyatda olan, Sabunçu rayonu, Natavan küçəsi 20, ev 1-də müvəqqəti yaşayan şəhid ailəsi adından

Əliyeva Zeynəb İbrahim qızı tərəfindən

ƏRİZƏ

(AÇIQ MƏKTUB)

12 oktyabr 2014-cu il tarixdə Yevlax rayonunda 2 mərtəbəli evim naməlum səbəblərdən yanmişdir. Evim yanarkən içərisindəki əşyalarimi belə xilas etmək mümkün olmamışdı. Bu barədə YEVLAX RAYON İCRA HAKİMİYYƏTİNİN, YEVLAX RAYON POLİS ŞÖBƏSİNİN, FHN-in YEVLAX RAYON ŞÖBƏSİNİN də xəbəri var. 3 il keçməyinə baxmayaraq heç bir tədbir görulməmiş, ailəmin səfil yaşaması heç kimi maraqlandırmamışdır.

Hadisə baş verən zaman FHN-nin Yevlax rayon xidməti helihopter çağıraraq yanğın söndürülmüş və ətrafdakı qonşular şahidlik etmişlər, Evimə dəymiş ziyan FHN tərəfindən qiymətləndirilmişdir. Belə ki, evimin qiymətləndirilməsi əşyalari ilə birlikdə 161 min (bir yüz altmış bir min, yəni 125 min evimə və 36 min evimin əşyalarına) manat qiymətləndirilmişdir.

Ailəmin yatmağa yorğan-döşəyi belə yoxdur. 3 övladımla birlikdə üç ildir quru yerdə yatmaqdan mən də, övladlarım da xəstəlikdən əziyyət çəkirik. İş qabiliyyətimi itirmişəm və şəhid ailəsiyəm. Qohum-əqrəbam Qarabağ döyüşlərində şəhid olublar. Heç bir yerdən gəlirim yoxdur. Yaşayışımız çox ağırdır. Dəfələrlə özum və ailəm intihar etmək dərəcəsinə catmışıq. Çünki cavabdeh məmurlar, aidiyyatı orqanlar mənim ailəmlə nəinki maraqlanmır, hətta evinizin sığortası yoxdur deyə bizi dövlət orqanlarından qovaraq təhqir edir, hüquqlarımız kobudcasına pozulur. Muraciət etmədiyimiz yer qalmayıb. Azyaşlı yetimlərim göz yaşı içindədirlər.

Aidiyyatı qurumlar bizim bu faciəmizə göz yumdular. Səsimizi, sözümüzü Prezidentə - Dövlət başçısına çatdıran yoxdur. Əlacımız ona qalıb ki, Prezident İlham Əliyevin kartec maşını keçəndə camaatın və Prezidentin gözü qarşısında özumuzu yandiraq. Qoy Prezident bizim zülm və fəryadımızı görsun. Dövlət başçısına yazdığımız məktublar Yevlax RİH-ə göndərilir, onlarsa bizim qanımıza susamış kimi bizi qəbul etmir, sizə yazdığım məktublar müsbət icrasını tapmır, və bizə yazdıqları məktublarla (Yevlax RİH-dən məktub – N 442; 14 avqust 2017-ci il) kifayətlənib laqeyd münasibət göstərirlər. Biz Azərbaycan vətəndaşı olaraq, Rusiyadan, İrandan, Ermənistandan, Gürcüstandan, yaxud üçüncü ölkədən xahiş etmirik - şəxsən Sizə müraciət edirik.

Hörmətli Prezident cənab İlham Əliyev və analar anası hörmətli xanım Azərbaycanın Birinci Vitse Prezidenti Mehriban Əliyeva, bir ananın naləsini eşidib dəymiş ziyanın ödənilməsini və kimsəsiz şəhid ailəsinə sahib çıxmağınızı Sizdən xahiş edirik,

İmza: Əliyeva Zeynəb İbrahim qızı

Telefon: (055)-412-62-74

05 dekabr 2017-ci il

Oxunub: 560