Türkiyədən Ermənistana şərt: Qarabağı azad etsən...

RƏSMİ / 15.12.2017 09:27

2009-cu ildə İrəvan-Ankara arasında imzalanan Sürix protokollarının ratifikasiyası ilə bağlı gecikmədə Ermənistan Xarici İşlər naziri Edvard Nalbəndyanın Türkiyə tərəfini ittiham etməsi əsassızdır.

Axar.az xəbər verir ki, bu barədə Türkiyə Xarici İşlər Nazirliyinin bəyanatında deyilib.

Bəyanatda bildirilib ki, Ermənistan tərəfi bununla beynəlxalq ictimaiyyəti aldatmağa cəhd edir.

Eyni zamanda, Türkiyə XİN-nin açıqlamasında Ermənistanın Konstitusiya Məhkəməsinin 2010-ci ildə bu protokolların ruhuna zidd qərar verdiyi və ardınca isə Prezident Serj Sərkisyanın ratifikasiyasını təxirə saldığı vurğulanıb:

"Protokollar hələ də TBMM Xarici İşlər Komissiyasının gündəmindədir və ratifikasiya olunmaq üçün Cənubi Qafqazda uyğun siyasi atmosferin və sülh ortamının yaranması zəruridir. Ermənistanın bu yöndə mənfi mövqeyinə baxmayaraq, protokollorın əslini Türkiyə hökuməti mühafizə edir. Ankaranın əsas hədəfi Türkiyə-Ermənistan əlaqələrini normallaşma prosesi və Dağlıq Qarabağ probleminin sülh yolu ilə həllidir. İstənilən halda, Ermənistan tez bir zamanda Azərbaycan torpaqlarının işğalını dayandırmalıdır”.

Qeyd edək ki, Nalbəndyan Sürix protokollarını gələn ilə qədər ləğv edəcəklərini və bunun səbəbinin Ankara olduğunu açıqlayıb.

Oxunub: 483

SON XƏBƏRLƏR

2025-04-10

16:26 QÜRBƏT ELDƏ BİR ÖMÜR DƏ GÜLMƏRƏM, ÖZ YURDUMUN BİR GÜNÜNƏ QURBANAM.

16:14 PÜNHANIN PÜNHAN DÜNYASI

16:08 ŞAİQ MUSTAFAYEV YARADICILIĞINDA

15:57 Giya Paçxataşvilinin “Doğum şəhadətnaməsi” şeirlər kitabı haqqında bir neçə kəlmə

15:32 Armud ağacı. Natavan YUSİFOVA

15:26 Sərçə. Məryəm ƏLİYEVA

15:10 Bakıda Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclasları keçirilib