2017-də itirdiyimiz tanınmışlar

Cəmiyyət / 25.12.2017 10:22

Başa çatmasına sayılı günlər qalan 2017-ci il itkilərimizlə də yaddaşlara köçməkdədir.

Kult.az xəbər verir ki, 2017-ci ildə medianın gözləmədiyi ölümlər də var. Bunlardan biri həm gənc yazar kimi tanınıb-sevilən, həm də Teleqraf.com saytının əməkdaşı olan Mövlud Mövluddur. 1989-cu il təvəllüdlü Abdullayev Mövlud İsmayıl oğlu 16 mart tarixində 17 mərtəbəli binanın 17-ci mərtəbəsindən özünü ataraq intihar etmişdi.

Digər itkimiz isəNatiq Qədimovoldu. Keçmiş ANS telekanalından məşhurlaşan,APATV-nin əməkdaşı olan 41 yaşlı həmkarımız 22 noyabr tarixində ailəsi ilə birgə futbol izləyərkən qəfildən dünyasını dəyişib. Onun infark keçirdiyi məlum olub.

Aprel ayında isə futbol oynamaq üçün stadiona gedən həmkarımızÜlvi Musayevdünyasını dəyişmişdi. 1993-cü il təvəllüdlü Ü.Musayev elə futbol meydançasında canını tapşırmışdı. Gərgin oyun ərəfəsində gəncin ürəyi fiziki yükə dözməmişdi.

2017-ci ildə itirdiyimiz tanınmışlardan biriEnergetika naziri Natiq Əliyev oldu. Nazirimiz 9 iyunda İstanbulda dünyasını dəyişdi.

Xalq artisti Qəndab Quliyevada bu il dünyasını dəyişən məşhurlardandır. Ürək çatışmazlığı və xroniki böyrək çatışmazlığı diaqnozu qoyulan xalq artisti 10 gün xəstəxanada qaldıqdan sonra iyunun 26-da xəstəxanadan evə aparılarkən yolda vəfat etmişdi.

Həmçininəməkdar artist Telman Əliyevdə bu il ürək çatışmazlığından dünyasını dəyişib.

Bu il əbədi olaraq itirdiklərimizdən biri də dünya şöhrətli azərbaycanlı alim, qeyri-səlis nəzəriyyənin və qeyri-səlis məntiqin banisi, Kaliforniya Universitetininprofessoru Lütfi Zadəoldu. Sentyabrın 6-da Kaliforniya vaxti ilə səhər saat 7:30 radələrində dünyasını dəyişən alim dəfn üçün Bakıya gətirildi və burada dəfn olundu.

Məşhur və sevilən diktor,xalq artisti Rafiq Hüseynovda 2017-ci ildə dünyadan köçdü. Ağciyər xərçəngindən əziyyət çəkən diktor daha əvvəl Türkiyədə əməliyyat olunub, kimyaterapiya müalicəsi alıb. Sonradan müalicə üçün Almaniyaya aparılan xalq artisti 26 oktyabrda dünyaya əlvida dedi.

Bu il dünyasını dəyişənlərdən biri də Azərbaycanınəməkdar incəsənət xadimi Ədalət Nəsibovoldu. Bir müddət yataq xəstəsi olan 78 yaşlı Aşıq Ədalət 14 sentyabr tarixində dünyadan köçüb.

Məşhurmeyxana ustası Bayram Kürdəxanılıda 2017-ci ildə dünyadan köçənlərdəndir. 23 avqust tarixində Kürdəxanı qəsəbəsində yolu keçərkən onu avtomobil vurub. Xəstəxanasına çatdırılsa da, onu xilas etmək mümkün olmayıb.

Oxunub: 385