Yeni ili ilk qarşılayanlar - Bu ölkələrdə atəşfəşanlıq olub - VİDEO

CANLI TV / 31.12.2017 18:59

Bəzi ölkələr artıq 2018-ci ilin ilk saatlarını yaşayırlar.

Yeni ilə qədəm qoyan ölkələrdə bu mərasim atəşfəşanlıqla qarşılanıb.

2018-ci ilin ilk qarşılandığı ölkələrdən biri Yeni Zellandiyadır. Paytaxt Vellinqtonda gün boyunca davam edən bayram həyəcanı atəşfəşanlıqla əvəz olunub. Bu ölkədə Yeni il Bakı vaxti ilə gündüz saat 3-də qeyd olunub.

Yeni Zellandiyanın ardınca təxminən 2 saat sonra daha böyük coşqu Avstraliyada yaşanıb.

Bu ölkədə bayram mərasimi ölkənin ən böyük şəhəri olan Sidneydə keçirilib. Möhtəşəm atəşfəşanlıq hər zamankı kimi, Harbor körpüsündə təşkil olunub. Ənənəvi olaraq bu dəfə də Yeni ili daha erkən qarşılamaq istəyən minlərlə turist Sidneyə axın edib.

Heyrətamiz atəşfəşanlıq dünyanın bir çox ölkəsində canlı olaraq yayımlayıb. Atəşfəşanlığı izləmək üçün 1 milyona yaxın insan toplaşıb.

Artıq Yaponiya da Yeni ili qarşılayıb. Meydana toplaşan insanlar geri sayım edib və əllərindəki şarları havaya buraxıblar.

Xezerxeber.az mövzu ilə bağlı daha ətraflı videomaterialı təqdim edir: