Malayziyanın Perlis ştatı Azərbaycan ilə əməkdaşlığın inkişafında maraqlıdır

RƏSMİ / 28.01.2018 15:51

Malayziyanın Perlis ştatı Azərbaycan ilə əməkdaşlığı genişləndirməkdə maraqlıdır.

Bu sözləri ştatın Baş naziri Dato Seri Azlan Man Azərbaycanın Malayziyadakı səfiri Qaley Allahverdiyevin həmin ştata səfəri çərçivəsində keçirilən görüşü zamanı deyib.

Cari ilin yanvarında mövcud əməkdaşlığın davamı və Azərbaycan Xalq Cümhuriyyətinin 100 illik yubileyinin qeyd olunmasına dair tədbirlər planı çərçivəsində səfir Q.Allahverdiyev Perlis ştatına səfər edib.

Perlis ştatının Baş naziri ilə görüş zamanı Azərbaycan ilə ştat arasında iqtisadi və ticarət əlaqələrinin inkişaf etdirilməsi istiqamətləri ətrafında fikir mübadiləsi aparılıb.

Dato Seri Azlan Man 2012-ci ildə Azərbaycanda səfərdə olduğunu və ölkəmizdən gözəl təəssüratlarla qayıtdığını qeyd edib. Ştatın sosial-iqtisadi inkişafı barədə ətraflı məlumat verən Baş nazir Perlisdə əlverişli biznes mühitinin olduğunu qeyd edib, Azərbaycanın iş adamlarını Perlis iqtisadiyyatına investisiya qoymağa, həyata keçirilən layihələrdə yaxından iştirak etməyə dəvət edib. Bu məqsədlə Azərbaycan və Perlis iş adamlarının qarşılıqlı səfərlərinin həyata keçirilməsinin vacibliyi vurğulanıb.

Perlis Universitetində (UniMAP) keçirilən görüşdə səfir Q.Allahverdiyev Azərbaycan xalqının ümummilli lideri Heydər Əliyev və Prezident İlham Əliyevin dövlətçilik fəaliyyəti, ölkəmizin tarixi, mədəniyyəti, Ermənistan-Azərbaycan, Dağlıq Qarabağ münaqişəsi, ölkəmizdəki quruculuq işləri, Azərbaycanın ev sahibliyi etdiyi beynəlxalq tədbirlər, Azərbaycan-Malayziya münasibətləri barədə geniş mühazirə ilə çıxış edib.

Səfir cari ilin Azərbaycan Xalq Cümhuriyyətinin 100 illik yubileyinə təsadüf etdiyini bildirib, Azərbaycan Prezidenti İlham Əliyev tərəfindən 2018-ci ilin "Azərbaycan Xalq Cümhuriyyəti İli” elan olunduğunu diqqətə çatdırıb.

Azərbaycanın bir sıra mötəbər beynəlxalq tədbirlərin keçirildiyi mərkəzə çevrildiyini qeyd edən səfir Bakının Beynəlxalq Mədəniyyətlərarası Dialoq Forumu, Bakı Beynəlxalq Humanitar Forumu, "Eurovision” mahnı müsabiqəsi, I Avropa Oyunları, BMT-nin Sivilizasiyalar Alyansı 7-ci Qlobal Forumu, Formula-1 yarışları, IV İslam Həmrəylik Oyunlarına ev sahibliyi etməsi barədə də məlumat verib.

Azərbaycan-Malayziya münasibətləri haqqında danışan səfir iki ölkə arasında əlaqələrin dostluq və qardaşlıq səviyyəsində olduğunu, bərabərlik və qarşılıqlı hörmət prinsipləri əsasında inkişaf etdiyini, iki dost ölkənin beynəlxalq təşkilatlar çərçivəsində də sıx əməkdaşlıq etdiyini bildirib.

Malayziyanın Baş naziri Dato Sri Mohd Bin Tun Abdul Razakın 2014-cü ilin sentyabrında Azərbaycana rəsmi səfər etdiyini və səfər çərçivəsində bir neçə saziş və birgə bəyannamənin imzalandığını vurğulayıb.

Perlis ştatının vəliəhd-şahzadəsi, Universitetin rektoru Tuanku Syed Faizuddin Putra çıxışında dəvəti qəbul edib Perlisə səfərə və UniMap-da tələbələr qarşısında çıxışa görə səfirə təşəkkür edib. 2017-ci ildə onun rəhbərliyi ilə UniMap-ın 35-ə yaxın müəllim və tələbə heyətinin Azərbaycana səfərini xüsusi qeyd edib, ölkəmizdə olduğu müddətdə nümayəndə heyətinə göstərilmiş diqqət və qonaqpərvərliyə görə Azərbaycan rəhbərliyinə və xalqına minnətdarlığını çatdırıb.

Vəliəhd-şahzadə ölkəmizə səfərinin onda böyük və unudulmaz təəssüratlar yaratdığını bildirib, Azərbaycanda aparılan quruculuq işlərindən danışıb, Bakı şəhərinin füsunkar gözəlliyinə heyran qaldığını vurğulayıb.

Sonra Universitetin kitabxanasında "Azərbaycanı kəşf et” adlı sərginin açılışı olub. Sərgidə ümummilli lider Heydər Əliyevin, Prezident İlham Əliyevin və Azərbaycanın Birinci vitse-prezidenti Mehriban xanım Əliyevanın fəaliyyətinə, ölkəmizin tarixinə, mədəniyyətinə, turizm potensialına aid kitablar, fotoşəkillər, habelə xalça nümunələri, rəsm əsərləri, əl işləri, milli suvenirlər nümayiş olunur. Sərgidə nümayiş etdirilən eksponatlara böyük marağı nəzərə alan Universitetin rəhbərliyi sərginin cari ilin fevral ayı ərzində ştatın digər təhsil və mədəniyyət ocaqlarında nümayiş etdirilməsini xahiş edib və bu, səfirlik tərəfindən razılıqla qarşılanıb.

Səfirlik tərəfindən malay dilinə tərcümə olunmuş Viktor Andryanov və Hüseynbala Mirələmovun həmmüəllifləri olduğu "Görkəmli adamların həyatı” silsiləsindən "Heydər Əliyev” kitabı və Azərbaycanın tarixi, mədəniyyəti və turizminə aid ingilis dilində bir sıra kitablar Universitetin kitabxanasına hədiyyə olunub.

Perlis ştatının Sultanı, Malayziyanın 12-ci Kralı (2001-2006-cı illər) Tuanku Syed Sirajuddin ibni Almarhum Tuanku Syed Putra Jamalullail ilə görüşdə Azərbaycan-Malayziya münasibətləri, səfirlik ilə Perlis ştatı arasında əlaqələrin gələcək istiqamətləri, UniMap-da təşkil olunmuş mühazirə və "Azərbaycanı kəşf et” adlı sərgi və digər mövzular ətrafında müzakirələr aparılıb.

Oxunub: 396

SON XƏBƏRLƏR

2024-11-21

03:05 Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva COP29-da təqdim edilən inklüziv sərgi ilə tanış olublar

02:53 Dağlar qoynundakı təbiət möcüzəsi - Kəlbəcər rayonunun Əsrik kəndindən FOTOREPORTAJ

02:33 Azadlığına qovuşmuş Ağdam quruculuq və inkişaf dövrünü yaşayır

2024-11-14

13:29 Bakıda COP29-un Liderlər Sammitinin açılış mərasimi

13:19 Bakıda COP29 çərçivəsində Parlament Görüşü keçiriləcək

13:10 It started 18 years ago with the UAE leadership’s pioneering vision to diversify the economy and address global sustainability challenges

13:04 Bakıda qadın heykəli buna görə sökülübmüş...SƏBƏB...FOTO

2024-11-13

12:04 Bakıda COP29-un Liderlər Sammitinin açılış mərasimi keçirilib

2024-11-06

13:06 Prezident İlham Əliyev Bakı Olimpiya Stadionunun ərazisindəCOP29-la bağlı yaradılan şəraitlə tanış olub VİDEO

12:50 Prezident İlham Əliyev: Azərbaycan TDT-nin möhkəmlənməsi istiqamətində səylərini bundan sonra da davam etdirəcək

12:47 Şeyxülislam: COP29-un Azərbaycanda keçirilməsi ölkəmiz üçün böyük əhəmiyyət daşıyır

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim