Azərbaycanda rus avtomobilləri bahalaşdı – İdxal isə dayandırıldı

İqtisadiyyat / 29.01.2018 18:04

Rusiya istehsalı olan avtomobillərin Azərbaycana qiyməti bahalaşıb.

Bu barədə faktı carci.tv-yə «Xəzər-Lada ASC» ofisindən təsdiqləyiblər.

Bildirilib ki, hazırda ofislərdə «Xəzər-Lada ASC» məxsus 3 model avtomobillərin satışı həyata keçirilir. Bu avtomobillərin ötən illə müqayisədə satışı 1000-1500 manat arası bahalaşıb.

Hazırda 2017-ci ilin istehsalı olan 3 avtomobil modeli – "Urban”, "Niva” və "Priora” satılır.

Onların qiymətləri isə belədir:

"Niva” sadə15300 manat(2017-ci ildə14500 manat) satılır.

"Niva” konisanerli16300 manat(2017-ci ildə15500 manat) satılır.

"Urban”18200 manat(2017-ci ildə17500 manat) satılır.

"Priora”16000 manat(2017-ci ildə14500 manat - 15000 min manat) satılır.

Carci.tv-nin digər əldə etdiyi məlumata görə, «АvtoVaz» ASC-nin istehsalı olan bütün növ avtomobillərin Azərbaycana idxalı dayandırılıb. 2018-ci ildə bu şirkətə məxsus avtomobillər ölkəmizə gətirilməyib. Hazırda Granta, Kalina, Vesta, Xray, Largus modellərinin Azərbaycana idxalı da dayandırılıb. Bu növ avtomobillər «Xəzər-Lada ASC» ofislərində satılmır.

«Xəzər-Lada ASC»-nin satış ofisindən bildirilib ki, avtomobillərin idxal edilməməsinə səbəb qiymətlərdir. Hazırda «АvtoVaz» ASC-də qiymətlər müəyyənləşdirilir və gələn ay üçün avtomobillərin idxalı nəzərdə tutulur. Ən çox böyük mühərriki olan avtomobillərin qiymətində bahalaşma ola bilər. Amma bütün bu qiymətləndirmələr «АvtoVaz» ASC-də təyin olunacaq.

Oxunub: 336