Veteranlar Təşkilatının sədrinə “Azərbaycan Respublikası Prezidentinin fəxri diplomu” təqdim olunub YENİLƏNİB

RƏSMİ / 02.02.2018 11:02

Böyük Vətən müharibəsi veteranı, Respublika Veteranlar Təşkilatının sədri, general-polkovnik Tofiq Ağahüseynovun 95 illik yubileyi ilə əlaqədar dövlətimizin başçısı İlham Əliyevin Sərəncamı ilə təltif edildiyi "Azərbaycan Respublikası Prezidentinin fəxri diplomu”nun fevralın 1-də yubilyara təqdim olunması mərasimi keçirilib.

AZƏRTAC xəbər verir ki, tədbirdə Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov, Respublika Veteranlar Təşkilatının rəhbərliyi, veteranlar, ictimaiyyətin nümayəndələri iştirak ediblər.

Prezidentin köməkçisi Əli Həsənov "Azərbaycan Respublikası Prezidentinin fəxri diplomu”nu Respublika Veteranlar Təşkilatının sədri Tofiq Ağahüseynova təqdim edib.

Mərasimdə çıxış edən Əli Həsənov Azərbaycan dövlətinin veteranlara, ölkəmizdə veteran hərəkatının inkişafına daim yüksək diqqət və qayğı göstərdiyini vurğulayıb. Bildirib ki, ümummilli lider Heydər Əliyevin əsasını qoyduğu bu siyasət hazırda Prezident İlham Əliyevin rəhbərliyi ilə uğurla davam etdirilir. Ümummilli lider Heydər Əliyevin ənənəsinə sadiq qalan dövlətimizin başçısı İlham Əliyev hər il 9 May – Qələbə Gününü veteranlarla birlikdə qeyd edir, onlarla görüşür, qayğıları ilə maraqlanır.

General-polkovnik Tofiq Ağahüseynovun Azərbaycanda ordu quruculuğundakı və Silahlı Qüvvələrimizin inkişafındakı xidmətlərindən danışan Prezidentin köməkçisi onun şərəfli həyat yolunun veteranlarımızla yanaşı, gənclərimizə də nümunə olduğunu diqqətə çatdırıb. Qeyd edib ki, Tofiq Ağahüseynov sovet dövründə general-polkovnik rütbəsinə layiq görülən yeganə azərbaycanlıdır. Onun xidmətləri təkcə keçmiş SSRİ Silahlı Qüvvələri ilə bağlı deyil. General-polkovnik Tofiq Ağahüseynova müstəqil Azərbaycana xidmət etmək şərəfi də nəsib olub. İstedadlı hərbi xadim, vətənpərvər insan olan Tofiq Ağahüseynov zəngin bilik və təcrübəsini Azərbaycanın təhlükəsizliyinin təmin olunmasına, ölkəmizdə ordu quruculuğu və Silahlı Qüvvələrimizin inkişafına, eləcə də gənclərimizin hərbi vətənpərvərlik ruhunda tərbiyəsi işinə sərf edib.

Tofiq Ağahüseynovun respublikamızda veteran hərəkatının inkişafına, veteranların hüquq və mənafelərinin təminatına, onların sosial müdafiəsinin təmin olunmasına mühüm töhfələrini qeyd edən Əli Həsənov bildirib ki, onun xidmətləri istər sovet dövründə, istərsə də müstəqillik illərində daim yüksək qiymətləndirilib. Prezident İlham Əliyevin 2008-ci il 1 fevral və 2013-cü il 17 yanvar tarixli sərəncamları ilə "Şöhrət” və "Azərbaycan Bayrağı” ordenləri ilə təltif olunub. Dövlətimizin başçısı İlham Əliyevin yanvarın 31-də imzaladığı Sərəncamla isə Azərbaycanın ictimai həyatında fəal iştirakına və gənclərin vətənpərvərlik tərbiyəsindəki xidmətlərinə görə Tofiq Ağahüseynov "Azərbaycan Respublikası Prezidentinin fəxri diplomu” ilə təltif edilib.

Əli Həsənov 95 illik yubileyi və "Azərbaycan Respublikası Prezidentinin fəxri diplomu” ilə təltif olunması münasibətilə Tofiq Ağahüseynovu bir daha təbrik edərək, ona fəaliyyətində uğurlar arzulayıb.

Respublika Veteranlar Təşkilatının sədri Tofiq Ağahüseynov ölkəmizdə veteranlara göstərdiyi yüksək diqqət və qayğıya görə Azərbaycan Prezidenti İlham Əliyevə minnətdarlığını bildirərək deyib: "Doğrudan da mənim üçün xoşbəxt gündür. Mən "Azərbaycan Respublikası Prezidentinin fəxri diplomu” ilə təltif edilmişəm. Bu il veteranlar təşkilatımızın qarşısında çox böyük vəzifələr dayanır. İlk növbədə, biz ümummilli lider Heydər Əliyevin anadan olmasının 95 illiyini, Azərbaycan Ordusunun 100 illiyini qeyd edəcəyik. Bu il həm də prezident seçkiləri keçiriləcək. Respublika Veteranlar Təşkilatının bütün üzvləri seçkilərdə fəal iştirak edəcək, Prezident İlham Əliyevin namizədliyini dəstəkləyəcəklər”.

Oxunub: 443

SON XƏBƏRLƏR

2025-02-21

19:45 Bəxtiyar Vahabzadənin adına metro stansiyası açılacaq? - TƏKLİF

19:29 Xalq şairi Bəxtiyar Vahabzadənin 100 illiyi qeyd ediləcək – SƏRƏNCAM

19:23 Xankəndidə tikilən “Bulud” hoteli bölgədə turizmin inkişafında mühüm rol oynayacaq

19:19 Prezident İlham Əliyev Artur Rasi-zadəyə “Heydər Əliyev” ordenini təqdim edib

18:29 Xankəndi tikiş fabrikində qısa müddətdə 50 minə yaxın idman köynəyi istehsal olunub

2025-02-19

03:47 Prezident İlham Əliyevin Ağdam rayonuna səfəri: Ağdam şəhərində “Hilton Garden İnn” hotelində aparılan tikinti işləri ilə tanışlıq

03:40 Prezident İlham Əliyev “Ağdam Residence” yaşayış kompleksində yaradılan şəraitlə tanış olub VİDEO

03:31 Prezident İlham Əliyev Ağdam Muğam Mərkəzində görülən tikinti işləri ilə tanış olub VİDEO

03:24 Natalya Koçanova: Belarusla Azərbaycanın əlaqələri illərin sınağından çıxmış qarşılıqlı münasibətlərə əsaslanır

03:20 Baş nazir Əli Əsədov İran Prezidenti Məsud Pezeşkianla görüşüb

03:13 Ağdam şəhərində 1 nömrəli körpələr evi-uşaq bağçasında aparılan tikinti işləri ilə tanışlıq VİDEO

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim