Papa Ərdoğanı ayaq üstə qarşıladı - FOTO - VİDEO

XƏBƏR / 05.02.2018 00:44

Türkiyə Prezidenti Ərdoğan Vatikana səfər edib.

Türkiyə KİV-nə istinadən verdiyi xəbərə görə, Ərdoğanı katoliklərin ruhani lideri Papa Fransisk ilə görüşmək üçün gəldiyi Apostol Sarayının qarşısında qarşılanma mərasimi keçirilib.

Ərdoğan və xanımı Əminə Ərdoğan San Damaso qapısında Papalıq İqamətgah Valisi baş Yepiskopu Georq Qansvein tərəfindən qarşılanıb.

Qarşılanma mərasimindən sonra Türkiyə prezidenti Ərdoğan Papa Fransisk ilə baş-başa danışmaq üçün görüşün keçiriləcəyi yerə gedib. Görüş zamanı Türkiyə-Vatikan münasibətləri, Qüdslə bağlı yaşananlar, Suriya və bölgədəki problemlər, əcnəbi və islam düşmənçiliyi müzakirə mövzularından biri olacaq.

Görüşmə zaman Papa Türkiyə prezidenti Ərdoğanı ayaq üstə qarşılayıb.

Mərasim zamanı Vatikanı və Papanı qorumaq üçün xidmət göstərən isveçrəli mühafizəçilər də hazır vəziyyətdə olub.

İki lider arasında görüş 11:50-də başa çatıb. Ərdoğanla Papa arasında 1 saat davam edən görüşmədən sonra hər iki liderin mediaya açıqlama verəcəyi gözlənilir.