Moskvada Azərbaycan Xalq Cümhuriyyətinin 100 illiyinə həsr olunmuş “dəyirmi masa” keçirilib

RƏSMİ / 10.02.2018 11:49

Moskva Millətlər Evində Azərbaycan Xalq Cümhuriyyətinin (AXC) 100 illik yubileyinə və Məhəmməd Əmin Rəsulzadənin anadan olmasının 134-cü ildönümünə həsr olunmuş "dəyirmi masa” keçirilib.

Xezerxeber.az AZƏRTAC-a istinadən xəbər verir ki, tədbir M.Ə.Rəsulzadə Cəmiyyəti və Moskvadakı Azərbaycan diaspor təşkilatları tərəfindən təşkil olunub.

M.Ə.Rəsulzadə Cəmiyyətinin sədri Füzuli Fərəcov tədbirin təşkilində dəstəyə görə Azərbaycanın Rusiyadakı səfiri Polad Bülbüloğluna təşəkkürünü bildirib. O qeyd edib ki, Prezident İlham Əliyevin Sərəncamı ilə Azərbaycan Xalq Cümhuriyyətinin yaradılmasının 100 illik yubileyi Azərbaycanda dövlət səviyyəsində geniş qeyd edilir, 2018-ci il ölkədə "Azərbaycan Xalq Cümhuriyyəti İli” elan edilib.

F. Fərəcov Azərbaycan Xalq Cümhuriyyətinin tarixi barədə ətraflı məlumat verərək bildirib ki, cəmi 23 ay fəaliyyət göstərən AXC-nin şüurlarda bərqərar etdiyi müstəqillik ideyası unudulmayıb. Azərbaycan Respublikası özünün qədim dövlətçilik ənənələrinə sadiq qalaraq Xalq Cümhuriyyətinin yaranması tarixini - 28 May gününü Respublika Günü kimi təntənə ilə qeyd edir.

Sonra M.Ə. Rəsulzadənin həyat və fəaliyyətindən bəhs olunan film nümayiş etdirilib.

Tanınmış diplomat, Azərbaycan emiqrasiya tarixinin tədqiqatçısı Ramiz Abutalıbov M.Ə.Rəsulzadənin və Azərbaycan Xalq Cümhuriyyətinin 1920-ci ildə süqutundan sonra mühacirətdə yaşamış ölkəmizin ictimai-siyasi xadimlərinin həyat və fəaliyyətləri barədə danışıb.

Rusiya-Azərbaycan parlamentlərarası dostluq qrupunun həmsədri Dmitri Savelyevin köməkçisi Sergey Qordiyev M.Ə.Rəsulzadənin Azərbaycanda milli dövlət quruluşunun dirçəldilməsində, milli istiqlal ideyalarının geniş yayılmasında böyük xidmətlərini vurğulayıb, Rusiya Dövlət Dumasının deputatı Dmitri Savelyevin tədbir iştirakçılarına məktubunu oxuyub.

Tarix elmləri namizədi, jurnalist Əşrəf Hüseynli, fəlsəfə elmləri doktoru, professor İbrahim Məlikov Azərbaycan Xalq Cümhuriyyətinin zəngin dövlət quruculuğu təcrübəsi ilə milli dövlətçilik tarixində silinməz izlər qoyduğunu, respublikanın gələcək müstəqilliyi üçün etibarlı zəmin hazırladığını diqqətə çatdırıblar.

"Dəyirmi masa”da Dövlət Dumasının, Azərbaycanın Rusiyadakı səfirliyinin, diasporumuzun nümayəndələri, tanınmış ictimai xadimlər, elm adamları iştirak ediblər.

Oxunub: 411

SON XƏBƏRLƏR

2025-01-04

01:15 Prezident İlham Əliyev Şahdağ Turizm Kompleksində yerləşən “Lakeside” hotelində aparılmış işlərlə və “Xizək klubu” binasının tikintisi ilə tanış olub

2024-12-30

02:11 Milli Məclisin 2024-cü il payız sessiyası başa çatıb

02:06 Azərbaycan Prezidenti “Konstitusiya və Suverenlik İli” ilə bağlı paylaşım edib

01:48 Prezident İlham Əliyev təyyarə qəzasında həlak olan ekipaj üzvlərinin vida mərasimində iştirak edib VİDEO

01:40 Prezident İlham Əliyev Azərbaycan Televiziyasına müsahibə verib YENİLƏNİB VİDEO

2024-12-28

14:02 Prezident İlham Əliyev Bakıda kommunal xidmət göstərəcək müxtəlif xüsusi təyinatlı nəqliyyat vasitələri ilə tanış olub

2024-12-20

00:31 Qara Dəniz İqtisadi Əməkdaşlıq Təşkilatına sədrlik Azərbaycana keçib

00:26 Metropolitenin yeni sədri kimdir? - DOSYE

23:21 Prezident İlham Əliyev "Rossiya Seqodnya" BİA-nın baş direktoru Dmitri Kiselyova müsahibə verib

23:05 Milli Məclisin iclasında 11 məsələ müzakirə edilib

23:02 Prezident İlham Əliyev Azərbaycanın D-8 təşkilatına üzv qəbul edilməsi ilə bağlı paylaşım edib

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim