“Manatın kəskin bahalaşmasını istəmirik” - Elman Rüstəmov

İqtisadiyyat / 12.02.2018 12:51

Azərbaycanda ABŞ dollarının məzənnəsinin uzun müddətdir ki, 1,7001 AZN/USD səviyyəsində qalması Azərbaycan Mərkəzi Bankının (AMB) "üzən məzənnə” rejimindən imtina etməsi demək deyil.

Carci.tv xəbər verir ki, bunu AMB-nin sədri Elman Rüstəmov deyib.

"AMB valyuta bazarına əhəmiyyətli dərəcədə müdaxilə etmir. Bununla belə, əhalinin və iş adamlarının marağını nəzərə alaraq, manatın kəskin ucuzlaşması və yaxud bahalaşmasını istəmirik. Odur ki, məzənnə siyasətində "üzən məzənnə” rejiminin tərkib hissəsi olan "aralıq rejim” tətbiq edilir. Tənzimləyici qurum az volatilli sabit məzənnə, ucuz pul və aşağı səviyyəli inflyasiyanı qarşıya hədəf qoyub və bunların üçü də eyni dərəcəcə vacibdir. Qurumun valyuta ehtiyatlarının artması isə bankların ona olan borclarını qaytarması ilə bağlıdır. Hazırda AMB valyuta hərraclarında dollar alıb-satmır”, - deyə baş bankir əlavə edib.

Oxunub: 341