Bakının sürüşmə zonalarındakı son vəziyyət açıqlanıb

XƏBƏR / 23.03.2018 10:07

Bakının sürüşmə zonalarındakı son vəziyyət açıqlanıb.

Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin geoloji planlama ekspedisiyasının dəstə rəisi Rafiq Həsənov "Report"a açıqlamasında bildirib ki, son günlər aparılan monitorinqlər nəticəsində Bayıl sürüşmə sahəsinin dinamikasında ciddi dəyişiklik müşahidə olunmayıb.

Onun sözlərinə görə, ərazidə müşahidə işləri aparılır: "Bayıl sürüşmə sahəsinə reperlər, mayaklar quraşdırılıb. Hazırda sürüşmənin dinamikasında stabillik müşahidə olunur. Ümumilikdə ərazidə prosesin tam bitdiyini, yekunlaşdığını demək olmaz. Geoloji proses hələ davam edir, ərazidə gərginlik var. Ancaq sürüşmənin özünün dinamikasında aktivlik qeydə alınmayıb. Ərazi daimi nəzarətdədir".

R.Həsənov qeyd edib ki, Abşeron rayonunun Nübar qəsəbəsi və Masazır qəsəbəsində yerləşən Zəli gölü sürüşmə ərazisində son günlərdə aktivlik qeydə alınıb: "Aktivliyin səbəbi əraziyə düşən mövsümü yağıntıların təsiridir. Suraxanı rayonu Zığ qəsəbəsi ərazisində də sürüşmənin dinamikasında aktivlik qeydə alınıb".

Oxunub: 350

SON XƏBƏRLƏR

2025-04-19

03:30 Prezident İlham Əliyev və birinci xanım Mehriban Əliyeva “Sea Breeze” istirahət mərkəzinin ərazisində həyata keçirilən layihələrlə tanış olublar