Diqqət! Bəzi mərkəzi küçələr təmirə bağlanıb - VİDEO

CANLI TV / 25.03.2018 09:41

Bir müddət əvvəl təmirə dayanan yolda işlər sürətlə aparılır. Paytaxtın Nəsimi və Nərimanov rayonlarını birləşdirən Təbriz küçəsindən istismar müddəti bitmiş su və qaz xətləri də yenidən çəkilib. Hazırda yolun bəzi hissələrinə asfalt qatı vurulur. Yolun yaxın aylarda istifadəyə verilməsi planlaşdırılır. Bu arada Formula 1 Azərbaycan Qran Prisinə hazırlıqla əlaqədar paytaxtın bəzi mərkəzi küçələrində hərəkət məhdudlaşdırılıb.

Təxminən iki aydır təmirə bağlanan yolda işlər davam edir.

Söhbət paytaxtın Nəsimi və Nərimanov rayonları arasında uzunluğu 4 kilometrə yaxın olan Təbriz küçəsindən gedir. Küçədə təmir işləri zamanı bəzi dəyişikliklər də edilib.

Avtomobil Yolları Dövlət Agentliyi tərəfindən aparılan işlərin müəyyən hissəsi icra edilib. Hissə-hissə bağlanan yolda istismar müddəti bitmiş su və qaz xətləri yenidən çəkilərək asfalt qatı vurulub. Uzunluğu 4 kilometrə yaxın, hərəkət hissəsinin eni 16 metr təşkil edən yolda 2 gediş, 2 gəliş olmaqla 4 hərəkət zolağı var. Təmir zamanı yolun mümkün olan hissəsində eni 1 metrə qədər genişləndirilib.

Yol boyu 8 yerdə avtobus dayanacaqlarının önündə isə xüsusi "cib"li hissələr yaradılıb. Yolun ümumilikdə yaxın aylarda tam istifadəyə verilməsi planlaşdırılır.

Bu arada Builki Formula 1 Azərbaycan Qran Prisinə hazırlıqla əlaqədar olaraq trekin bəzi hissələrində asfalt örtüyündə təmir-bərpa işləri həyata keçirilir. Trekin asfalt örtüyünün yarışa hazır vəziyyətə gətirilməsi ilə əlaqədar görülən işlərin qısa müddət ərzində başa çatdırılması üçün bəzi hissələrdə nəqliyyatın hərəkəti tam, bəzi yerlərdə isə qismən məhdudlaşdırılıb.

Belə ki, Puşkin küçəsinin Xəqani küçəsi ilə olan kəsişməsi və bu kəsişmədən etibarən Üzeyir Hacıbəyov küçəsindədək olan hissədə artıq köhnə asfalt qatı qaşınıb. Yeni asfalt qatının vurulması üçün hazırlıqlar görülür. Sözügedən küçələrlə yanaşı Əziz Əliyev küçəsində nəqliyyatın hərəkəti tam məhdudlaşdırılıb. Bakı Şəhər Halqası əməliyyat Şirkətindən verilən məlumata görə, Formula 1 ilə əlaqədar bağlanan yollar ayın 26-da səhər saatlarında açılacaq.

Oxunub: 320

Diqqət! Bəzi mərkəzi küçələr təmirə bağlanıb - VİDEO

CANLI TV / 25.03.2018 09:41

25.08.2026

08.08.2026

26.06.2026

25.06.2026