Prezident İlham Əliyev: “İslahatlar davam etdiriləcək” - VİDEO

RƏSMİ / 10.04.2018 09:29

Bu ilin birinci rübü ərzində ölkəyə 3,5 milyard dollar investisiya qoyulub.

Xezerxeber.az-in məlumatina görə,bu barədə prezident İlham Əliyev Nazirlər Kabinetinin birinci rübün yekunlarına həsr olunmuş iclasında deyib.

Dövlət başçısı Azərbaycanın iqtisadi inkişafının uğurla davam etdiyini və hesabat dövrü ərzində 34 min yeni iş yerinin açıldığını bildirib.

Prezident İlham Əliyev cari ilin birinci rübünün nəticələrini yüksək qiymətləndirib. Bildirib ki, bu dövr həm Azərbaycanın beynəlxalq mövqelərinin möhkəmlənməsi, həm də iqtisadi inkişaf baxımından uğurlu olub. Azərbaycanın 6-cı qlobal Bakı Forumuna və Qoşulmama Hərakatının xarici işlər nazirlərinin konfransına ev sahibliyi etdiyini deyən dövlət başçısı, bu müddət ərzində 7 dövlət və hökümət başçısının ölkəmizə səfər etdiyini xatırladıb.

Dağlıq Qarabağ münaqişəsinin tənzimlənməsi məsələsinə toxunan dövlət başçısı bildirib ki, münaqişənin həlli üçün hüquqi baza formalaşıb. Avropa İttifaqının Şərq Tərəfdaşlığı konfransında qəbul edilən qətnamə də beynəlxalq hüquqa və ədalət prinsiplərinə uyğundur.

Birinci rübüdə əldə olunan iqtisadi inkişafdan bəhs edən prezident İlham Əliyev bildirib ki, ölkəyə 3,5 milyard dollar həcmində investisiya qoyulub və 34 min yeni iş yeri açılıb. Dövlət başçısı qeyri-neft sənayesi və aqrar sahədəki inkişafı xüsusi vurğulayıb.

Prezident yekun çıxışını qarşıda duran məsələlərə həsr edib. Bildirib ki, islahatlar davam etdiriləcək. Qeyri-neft sektoru və kənd təssərüfatı sahəsinin inkişafı yenə də diqqət mərkəzində olacaq. Bunun üçün biznes mühitinin yaxşılaşdırılması və sahibkarlığın inkişafına daha geniş şəraitin yaradılması işləri davam etdirilməlidir.

Prezident, yeni "ASAN xidmət" mərkəzlərinin açılması, turizmin inkişafı, dəmiryol infrastrukturunun yenidən qurulması, avtomobil yollarının çəkilməsi, qazlaşdırmanın davam etməsi, içəmli su təchizatının yaxşılaşdırılması, yeni elektrik stansiyalarının tikilməsi ilə bağlı tapşıqırlar verib.

Xezerxeber.az mövzu ilə bağlı daha ətraflı videomaterialı təqdim edir: