Yanacaqla bağlı qərar: benzinin, dizelin...

İqtisadiyyat / 25.04.2018 11:10

Azərbaycan Respublikası Dövlət Neft Şirkəti (SOCAR) Heydər Əliyev adına Bakı Neft Emalı Zavodunun modernləşdirilməsinin başa çatmasından sonra "Avro-5” standartlı benizinin ixracına başlayacaq.

Carci.tv məlumatına görə, bu barədə SOCAR-ın nümayəndəsi deyib.

O qeyd edib ki, benzin istehsalının həcmi 2,2 milyon ton təşkil edəcək:

"Ümumilikdə, modernləşdirmə başa çatdıqdan sonra dizel yanacağının istehsalı 2,9 milyon ton və ya ümumi istehsal gücünün 39 faizi, benzin istehsalı 2,2 milyon ton və ya 29 faiz, o cümlədən Aİ-92 – 16 faiz və Aİ-95 – 13 faiz təşkil edəcək. "Azərikimya” İB üçün xammal istehsalı 6 faiz, bitum və koks istehsalı 5 faiz, mayeləşdirilmiş karbohidrogen qazının istehsalı 1 faiz təşkil edəcək”.

O bildirib ki, daxili bazardan başqa, istehsal olunan məhsulların bir hissəsi ixraca gedəcək:

"İstehsal olunan benzinin 25, dizel yanacağının 40 və təyyarə yanacağının 40 faizinin ixrac edilməsi planlaşdırılır”.

Oxunub: 369