Həştərxanda AMOR-un regional nümayəndələrinin görüşü keçirilib - VİDEO

XƏBƏR / 01.06.2018 09:48

Həştərxan şəhərində Rusiyanın Azərbaycanlı Gənclər Birliyinin Regional Nümayəndələrinin görüşü də keçirilib. Bu gün açılışı keçirilən Azərbaycan iş mərkəzində təşkil olunan görüşdə Rusiya, Azərbaycan nümayəndə heyəti gənclər təşkilatının üzvləri iştirak ediblər. Xəzər dənizinin ekoloji mühitinin yaxşılaşdırılması məqsədi ilə kiçik nərə balıqları dənizə buraxılıb.

Tədbirdə Heydər Əliyev Fondunun vitse prezidenti Leyla Əliyevanın rəhbərliyi altında AMOR təşkilatının Rusiyada gördüyü işlərin, həyata keçirdiyi layihələrin əhəmiyyətindən danışılıb.

Daha sonra AMOR təşkilatının yaranma tarixindən, həyata keçirdiyi layihələrdən bəhs edən film nümayiş olunub.

Tədbirdə çıxış edən Heydər Əliyev Fondunun vitse prezidenti Leyla Əliyeva AMORun əsas məqsədinin Rusiyada yaşayan azərbaycanlı gənclərin ölkə cəmiyyətinə inteqrasiyasından ibarət olduğunu bildirib.

O, qeyd edib ki, təşkilat yarandığı gündən bu günə kimi Rusiyada bir sıra uğurlu layihələrə imza atıb.

Səfər çərçivəsində nümayəndə heyəti nərə balıqlarının Xəzər dənizinə buraxılması mərasimində iştirak edib. Qeyd edək ki, Xəzər dənizinin ekoloji mühitinin yaxşılaşdırılması istiqamətində Həştərxanda Balıq təsərrüfatı üzrə Xəzər Elmi Tədqiqat İnstitutu kiçik nərə balıqlarının Xəzər dənizinə buraxılmasını təşkil edir.

Oxunub: 294

Həştərxanda AMOR-un regional nümayəndələrinin görüşü keçirilib - VİDEO

XƏBƏR / 01.06.2018 09:48

08.06.2026