Qaz sayğaclarının plombları çürüdüyü üçün abonentlər cərimələnir - VİDEO

Qaz sayğacının plombu çürüdüyü üçün abonent cərimələnib.

Xezerxeber.az-ın məlumatına görə, hadisə Hövsan qəsəbəsi, Oqtay Şabanov küçəsi ev 29-da yaşayan Qasım Abbasovun başına gəlib. Üç gün öncə "Azəriqaz" İstehsalat Birliyinin nümayəndələri Qasım Abbasova məxsus qaz sayğacının plombunu dəyişiblər. Səbəb kimi isə plombun çürüdüyünü göstəriblər.

Ötən gün isə Qasım Abbasova plombun qırılması ilə bağlı cərimə protokolu göndərilib.

Həmin küçədə yaşayan bir neçə abonentin də qaz sayğacının plombları çürüdüyü üçün dəyişdirilib.Onlara da müxtəlif məbləğdə cərimə protokollarıgöndərilib.

Məsələ ilə bağlı "Azəriqaz" İstehsalat Birliyinin sözçüsü İbrahim Kərbəlayev "Xəzər Xəbər"ə bildirdi ki, sayğacın plombu qırılarsa və ya digər çatışmazlıq yaranarsa, ilk növbədə abonent özü 185 saylı çağrı mərkəzinə zəng edib məlumat verməlidir. Bu zaman onun müraciəti qeydiyyata alınaraq sayğaca baxış keçirilir və araşdırma aparılaraq müvafiq tədbirlər görülür. Plombdakı çatışmazlığı "Azəriqaz"ın əməkdaşları aşkar etdikdə isə abonentə cərimə tətbiq olunur. Bu səbəbdən də bu cür hallarda ilk olaraq vətəndaşın özünün məlumat verməsi məsləhət görülür.

Xezerxeber.az mövzu ilə bağlı daha ətraflı videomaterialı təqdim edir: