Toy adətləri unudulur - "Toy mərasimləri çox xaotikləşib" - VİDEO

Son vaxtlar toy mərasimlərində adət-ənənələrin bəzilərinin unudulduğu müşahidə edilir.

Xezerxeber.az-ın məlumatına görə, illərdir formalaşdırılan adətləri xarici musiqi və rəqslər əvəzləyir.

Millət vəkili, Milli Məclisin mədəniyyət komitəsinin sədr müavini Jalə Əliyeva son vaxtlar toy mərasimlərinin çox xaotikləşdiyini, yad təsirlərə məruz qaldığını deyir.

Millət vəkilinin fikrincə, elə dəyərlər var ki, bu dəyərlərdə mühafizəkar olmağa borcluyuq.Məsələn, toyda gəlinin geyimi açıq-saçıq olmamalıdır. Bundan başqa, millət vəkili spirtli içkilərin verildiyi toy zalına din xadiminin dəvət olunmasını da düzgün hesab etmir.

Jalə Əliyeva deyir ki, toyda yemək masalarında israfçılığa yol verilməsi hallarına da son illərdə daha çox rast gəlinir. O, həmçinin toy şənliklərində qohum-ərqəbaya təbrik üçün söz verilməməsini də düzgün hesab etmir.

Toy adət-ənənləri ilə bağlı hər hansı bir qanunun qəbul olunmasına gəlincə isə, millət vəkili bildirib ki, bu məsələ vətəndaşların hüquqlarının məhdudlaşdırılması kimi başa düşüləcəyindən hələ ki, muzakirə mövzusu deyil. Lakin vətəndaşlar tərəfindən belə bir təşəbbüs irəli sürulərsə, onun Milli Məclisdə muzakirəsi mümkün ola bilər.

Xezerxeber.az mövzu ilə bağlı daha ətraflı videomaterialı təqdim edir: