"Azərspace 2" Azərbaycana 400 milyon dollar qazandıracaq - RƏSMİ AÇIQLAMA - VİDEO

CANLI TV / 26.09.2018 16:04

"Azərspace 2" peykinin orbitə çıxarılması Azərbaycanın növbəti uğurudur. Son beş il ərzində orbitə 3 peyk çıxaran Azərbaycan dünyanın kosmik klubunun üzvünə çevrilib və kosmik sənayedə öz mövqelərini möhkəmləndirib.

Xezerxeber.az-ın məlumatına görə, "Azərkosmos” ASC-nin sədr müavini Rövşən Rüstəmov deyib ki, yeni peyk istismar müddətində Azərbaycana 400 milyon dollara yaxın vəsait qazandıracaq.

Azərbaycanın orbitə çıxardığı peyklərin informasiya təhlükəsizliyi baxımından çox böyük əhəmiyyəti var. Orbitə çıxarılan peyklər Azərbaycan telekanallarının dünyaya yayılmasında önəmli rol oynayırlar.

Azərbaycan bu peyklər sayəsində telekommunikasiya sahəsində xarici tərəfdaşlardan asılılığını tam aradan qaldırıb. Ölkəmiz kosmik sənaye sahəsində beynəlxalq əməkdaşlığını dərinləşdirir. Kosmik sənayedə əldə edilən uğurlar iqtisadiyyatın qeyri-neft sektorunun inkişafını stimullaşdırır.

"Azərsky" müşahidə peyki dünyanın istənilən nöqtəsində baş verən hadisələri müntəzəm izləməyə imkan yaradır. Azərbaycanın müdafiə və hərbi potensialının gücləndirilməsi işində "Azərsky" peykinin xüsusi rolu var.Çünki bu müşahidə peyki hər gün istənilən ölkə, hərbi infrastruktur və düşmənə aid məlumatların əldə edilməsində əvəzsiz rola malikdir.

"Azərspace 2" peykinin orbitə çıxarılması, eyni zamanda, Azərbaycan Xalq Cümhuriyyətinin 100 illiyinə də böyük töhfədir.

Xezerxeber.az mövzu ilə bağlı daha ətraflı videomaterialı təqdim edir: