Tələbə yataqxanalarında son vəziyyət - ARAŞDIRMA

Cəmiyyət / 07.10.2018 12:50

Azərbaycanda yeni tədris ili başlayandan tələbələrin yataqxanalarda yerləşməsi məsələsi də gündəmə gəlir. Bəzi universitet yataqxanalarına müraciətlərin iyun ayından başlamasına baxmayaraq, qeydiyyat bu gün də davam edir.

Trend Azərbaycandakı ali təhsil müəssisələrinin yataqxanalarının vəziyyəti və bu yerləşdirmə obyektlərinə tələbatla maraqlanıb.

Azərbaycan Dillər Universitetinin (ADU) tərbiyə işləri üzrə prorektoru Sərraf Hüseynov Trend-ə bildirib ki, ali məktəbin fəaliyyətdə olan yataqxanalarında hazırda 190 nəfərdən artıq tələbə qalır:

"Universitetin iki yataqxanası var. 1 saylı yataqxana Ceyhun Hacıbəyli küçəsində yerləşir, uzun zamandır burada məcburi köçkünlər məskunlaşıb. Abbas Mirzə Şərifzadə, 4 ünvanında yerləşən 2 saylı yataqxana isə ancaq qızlar üçün nəzərdə tutulub. Həmin yataqxanada 205 tələbə üçün yer var”.

S.Hüseynov qeyd edib ki, ADU-nun 2 saylı yataqxanasında başqa universitetlərdə olan 15 nəfərə yaxın tələbə də qalır.

Azərbaycan Dövlət Pedaqoji Universitetinin (ADPU) İctimaiyyətlə əlaqələr şöbəsinin rəhbəri Mənsur İbrahimov Trend-ə deyib ki, ali məktəbdə daha çox qızlar oxuduğu üçün yataqxanalarda da qalan tələbələrin çoxu qızdır:

"ADPU-nun Dərnəgül qəsəbəsində 4 yataqxanası var. Sovet dövründən inşa edilmiş binalarda məcburi köçkünlər məskunlaşıb. Əlavə olaraq universitetin 2 nömrəli tədris binasında yataqxana var. Bu yataqxanada təqribən 200-ə yaxın tələbə yerləşir”.

M.İbrahimov bildirib ki, tədris binasının yataqxanasında yer az olduğundan hər kəsi bura qəbul etmək mümkün olmur: "Üstünlük daha çox az təminatlı ailələrə, şəhid ailələrinə, məcburi köçkünlərin övladlarına verilir”.

Azərbaycan Tibb Universitetinin (ATU) isə ümumi tutumu 1256 nəfər olan 5 yataqxanası tələbələrin ixtiyarındadır. Yataqxanalar son 4 ildir ödənişli fəaliyyət göstərirlər.

ATU-nun mətbuat xidmətinin rəhbəri Günel Aslanovanın Trend-ə verdiyi məlumata görə, yataqxanalar təmirdən təzə çıxdığından şərait yaxşıdır və aylıq ödəniş haqqı 50 manatdır: "Oğlan və qızların qaldıqları binalar ayrıdır. Hər iki cinsdən olan əcnəbi tələbələr isə mərtəbələri ayrı olmaqla eyni yataqxanada qalırlar. Yataqxana üçün qəbul iyulun 10-dan başlayıb. Otaqlar 1 və 4 nəfərlik olmaqla ayrılır".

G.Aslanova onu da qeyd edib ki, hazırda 3 saylı qızlar yataqxanası əsaslı təmirə dayandırılıb: "Tədris ili başlayandan 512 nəfər artıq qeydiyyatdan keçib. Onlardan 200 nəfəri əcnəbi tələbədir. Digər illərə nisbətən bu il müraciət azdır. Buna səbəb 9 mərtəbəli qızlar yataqxanasının təmirə dayanmasıdır”.

Azərbaycan Dövlət Neft və Sənaye Universitetinin (ADNSU) İctimaiyyətlə əlaqələr şöbəsinin rəhbəri Bəhruz Nəzərov bildirib ki, ali məktəbin tərkibində hazırda bir yataqxana binası fəaliyyət göstərir və burada yerli tələbələrlə yanaşı, xaricilər də qalır:

"Sovet dövründə ADNSU-da 1500-ə yaxın əcnəbi tələbə oxuduğundan ali məktəb üçün 7 yataqxana tikilmişdi. Lakin hazırda həmin 7 binadan 6-sı sökülüb, əvəzində 1000 nəfərədək tutumu olan, müasir standartlara uyğun yataqxana kompleksi inşa edilir. Yerdə qalan 320 nəfərlik bir yataxana binası isə əsaslı təmir olunaraq tələbələrin istifadəsinə verilib. Həmin yataqxanada yerli tələbələrlə yanaşı, əcnəbilər də var, hətta xarici tələbələr üstünlük təşkil edir”.

B.Nəzərov əlavə edib ki, 320 nəfərlik yataqxanada Türkmənistan, Pakistan, Çin, İran və digər ölkələrdən olan tələbələr var. Əcnəbi tələbələr həmin yataqxanada ödənişli əsasda qalırlar.

Bakı Dövlət Universitetindən isə bildiriblər ki, yaxın gələcəkdə yeni yataqxanaların tikilməsi nəzərdə tutulur.

Oxunub: 313

SON XƏBƏRLƏR

2025-05-04

23:58 Qəzalı binaların söküntüsü niyə LƏNGİYİR? - Ekspertlər CAVABLANDIRIR

2025-04-29

16:44 ŞƏRQİN LİDERİ

16:19 Bakıda Azərbaycan-İran biznes forumu keçirilib Azərbaycan Prezidenti İlham Əliyev və İran Prezidenti Məsud Pezeşkian tədbirdə iştirak ediblər

09:20 Göyərçin sülh rəmzi kimi

2025-04-28

00:12 Azərbaycan və İran prezidentləri mətbuata bəyanatlarla çıxış ediblər YENİLƏNİB-2 VİDEO

23:42 Azərbaycan Prezidenti İlham Əliyevin İran Prezidenti Məsud Pezeşkian ilə geniş tərkibdə görüşü keçirilib

23:28 Fidan Hacıyevanın II Beynəlxalq Opera Festivalında Leyla Əliyevanın şeirlərinə bəstələnmiş mahnılar ifa olunub

23:17 İran Prezidenti Məsud Pezeşkianın rəsmi qarşılanma mərasimi olub

2025-04-23

23:50 ÜRƏYİNDƏKİ DİLİNDƏ, BEYNİNDƏKİ ƏMƏLİNDƏ OLAN XANIM TƏBRİK EDİRİK!

23:45 Respublika Seysmoloji Xidmət Mərkəzi Türkiyədəki zəlzələnin monitorinqini davam etdirir

23:37 Azərbaycan Prezidentinin Çinə dövlət səfəri dünya mediasının diqqət mərkəzində

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

13:25 Bakı növbəti dəfə Beynəlxalq Şahmat Festivalına ev sahibliyi edəcək

18:58 UEFA Avropa Liqasında 1/8 final mərhələsinə bu gün yekun vurulacaq

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

Təqvim