Bakıda DƏHŞƏT: Sahibsiz itlər azyaşlılara hücum çəkdi - VİDEO

CANLI TV / 10.10.2018 08:30

Küçə itlər iki uşağa hücum edib, birinin dodağını, digərinin əlini dişləyib. Hadisə Bakıda, Xəzər rayonunda baş verib. Xəsarət alan uşaqların vəziyyəti hazırdanormaldır. Yaşayış massivinin sakinləri isəərazidə sahibsiz itlərin çox olmasından narahatdırlar. Onlar aidiyyatı qurumlardan problemin həllini tələb edirlər.

Bakıda sahibsiz itlər uşaqlara hücum edib.

İtlər uşaqlardan birinin dodağını, digərinin isə əlini dişləyib. Hadisə Xəzər rayonu, Buzovna qəsəbəsi "İkinci yeni sahə" adlandırılan ərazidə baş verib.

Zibillikdə toplanan sahibsiz itlər Mələk İbrahimova ilə Ramal Hüseynliyə hücum edərək onlara xəsarət yetirib..

Sakinlər deyirlər ki, sahibsiz itlər təkcə balacalara yox, elə böyüklərə də qənim kəsilib. Massivdə zibil qutuları olmadığından, məişət tullantıları hara gəldi atılır. Bu da sahibsiz itlərin həmin əraziyə toplanmasına səbəb olur.

Sakinlər məsələ ilə bağlı aidiyyatı qurumlara dəfələrlə müraciət etdiklərini deyirlər. Buzovna qəsəbə nümayəndəliyindən bildirildi ki, bir neçə dəfə sözügedən ərazidən sahibsiz itlər yığılaraq aparılıb və bu tədbirlər davam etdiriləcək.

Bələdiyyədən isə bildirildi ki, bir ay ərzində həmin əraziyə zibil qutuları qoyulacaq.

Oxunub: 368

SON XƏBƏRLƏR

2025-04-19

03:30 Prezident İlham Əliyev və birinci xanım Mehriban Əliyeva “Sea Breeze” istirahət mərkəzinin ərazisində həyata keçirilən layihələrlə tanış olublar