Qaxda uşağı at vurdu, Bərdədə dişlədi - Eyni gündə eyni bədbəxt hadisə

İqtisadiyyat / 27.10.2018 22:59

Hər ikisi xəstəxanaya yerləşdirilib

Qax rayonunun Qaratala kəndində bədbəxt hadisə baş verib. Kənd sakini Yaqub Qəhramanovun nəvəsi Yaqub Qəhramanlı at vurması nəticəsində xəsarət alıb.

Kənd sakini atı arabadan ayıran zaman nəvəsi arxa tərəfdə olub. Bu zaman at qəflətən təpik atıb. Ağır bədən xəsarəti alan 5 yaşlı uşağın vəziyyəti ağır olduğundan Gəncə şəhər Mərkəzi Xəstəxanasına yerləşdirilib.

Vəziyyəti orta-ağır olaraq qalır.

Atla bağlı daha bir olay Bərdənin Lənbəran kəndində baş verib. Kəlbəcər rayon sakini, 2002-ci il təvəllüdlü məcburi köçkün Aslanov Ayxan Qorxmaz oğlunu at dişləyib. Ailəsi ilə birgə müvəqqəti Lənbərənda məskunlaşan 16 yaşlı yeniyetmə sağ qolunun çiyin nahiyəsindən ağır xəsarət alıb, yaxınlarının köməkliyi ilə Bərdə rayon Mərkəzi Xəstəxanasına çatdırılıb. Cərrahiyyə şöbəsinə yerləşdirilən yaralıya tibbi yardım göstərilib.

Hal-hazırda həkimlər onun vəziyyətini orta-ağır qiymətləndirirlər.

Oxunub: 410