Bu il uşaqlara ən çox qoyulan adlar - SİYAHI - VİDEO

Son 10 ay ərzində oğlan uşaqlarına ən çox qoyulan ad Yusif, qız uşaqlarına qoyulan ad isə Zəhra olub.

 Carci.tv məlumatına görə, Ədliyyə Nazirliyi son 10 ay ərzində uşaqlara verilən ən populyar adların siyahısnı açıqlayıb. Siyahıya əsasən, 2008 qız övladına Zəhra, 1382 uşağa Nuray, 1304 uşağa Aylin, 1284 uşağa Məryəm, 1196 uşağa Zeynəb, 1111 uşağa Fatimə, 1059 uşağa isə Mələk adları qoyulub.

Oğlan adları içərisində yeni doğulan uşaqlara ən çox qoyulan ad isə Yusif olub. 2010 uşağa Yusif adı qoyulub. Digər yerləri isə 1648 ilə Əli, 1498 ilə Hüseyn, 1266 ilə Uğur, 1244 ilə Ömər, 1076 ilə Məhəmməd, 1054 ilə Murad və 886 ilə Ayxan adları tutur.

Fikirlərini öyrəndiyimiz paytaxt sakinləri uşaqlara milli adların qoyulmasının tərəfdarıdırlar.

Sosioloq Cavid İmamoğlu deyir ki, populyar seriallar da ad qoyma ənənəsinə təsir edir.

Sosioloqlar tövsiyə edirlər ki, valideynlər uşağa ad seçərkən həmin adın bir ömür boyu o uşağı müşayiət edəcəyini nəzərə alsınlar.

Xezerxeber.az mövzu ilə bağlı daha ətraflı videomaterialı təqdim edir: