Prezident İlham Əliyev: Azərbaycanlılar Vətənə bağlı insanlardır

CANLI TV / 01.12.2018 23:00

Azərbaycanlılar dünyada özlərini həmişə öz Vətəninə bağlı insanlar kimi göstəriblər. Bu gün də bu, belədir. Əlbəttə, biz çox istəyirik ki, xaricdə yaşayan hər bir azərbaycanlı heç olmasa, ildə bir dəfə Azərbaycana gəlsin. Birincisi, ona görə ki, Vətənlə əlaqələr qırılmasın. İkincisi, ona görə ki, Azərbaycanın müxtəlif yerlərində çox gözəl şərait yaradılıb. Bakı şəhərində, bölgələrimizdə istirahət üçün gözəl, müasir otellər, istirahət zonaları var. Hesab edirəm ki, Azərbaycan indi dünya miqyasında öz imkanlarını ortaya qoyur.

CARCI TV xəbər verir ki, "İlham Əliyev. İnkişaf - məqsədimizdir” çoxcildliyinin yenicə çapdan çıxmış 74-cü kitabında yer alan bu fikirlər dövlətimizin başçısının 2016-cı il iyunun 3-də Dünya Azərbaycanlılarının IV Qurultayının rəsmi açılış mərasimində söylədiyi nitqindən götürülüb.

Azərbaycan Respublikası Prezidenti Administrasiyasının rəhbəri, akademik Ramiz Mehdiyevin buraxılışına məsul olduğu çoxcildliyin növbəti kitabındakı materiallar 2016-cı ilin mayından iyul ayınadək olan dövrü əhatə edir.

Kitaba Prezident İlham Əliyevin Avstriyaya, Rusiyaya işgüzar səfərlərinə dair informasiyalar, İstanbulda Dünya Humanitar Sammitində, Berlində Azərbaycan-Almaniya iqtisadi forumunda çıxışlarının mətnləri, NATO Sammitində iştirak etmək üçün Polşaya səfəri barədə materiallar, Sammitin Əfqanıstanla bağlı sessiyasında çıxışının mətni daxil edilib.

Nəşrdə dövlətimizin başçısının Azərbaycana rəsmi səfərə gəlmiş Türkiyənin Baş naziri ilə görüşü, Rusiya Federasiyası Dağıstan Respublikasının başçısını qəbul etməsi barədə informasiyalar yer alıb.

Çoxcildliyin 74-cü kitabında Prezident İlham Əliyevin İndoneziya, Niderland, Bolqarıstan, İran, Rusiya, Belarus, Çin, Türkiyə, İtaliya, Əfqanıstan, Böyük Britaniya və digər dövlətlərin ölkəmizə səfər etmiş yüksəkvəzifəli şəxslərini, "The Business Year” jurnalının baş redaktorunu və baş direktorunu qəbul etməsi barədə materiallar toplanıb.

Kitaba, həmçinin Azərbaycan Prezidentinin qoşunların təmas xəttində yerləşən Tərtər, Ağdam və Bərdə rayonlarına səfərlərinə, sakinlərlə görüşlərinə, Bakıda aparılan yenidənqurma və abadlıq işləri ilə tanışlığına dair materiallar daxil olunub.

Bu nəşrdə Prezident İlham Əliyevin XXIII Beynəlxalq "Xəzər Neft və Qaz-2016” sərgi və konfransının açılışı mərasimində, Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş iclasında söylədiyi nitqlərinin mətnləri, XXII Beynəlxalq Qida Sənayesi və X Beynəlxalq Kənd Təsərrüfatı sərgiləri ilə tanışlığına dair informasiyalar toplanıb.

Dövlətimizin başçısının ümummilli lider Heydər Əliyevin anadan olmasının 93-cü ildönümü və faşizm üzərində Qələbənin 71 illiyi, 28 May – Respublika Günü ilə əlaqədar rəsmi qəbullarda söylədiyi nitqlərinin, "Gəncə-2016-cı il Avropa gənclər paytaxtı” layihəsinin açılışı mərasiminin iştirakçılarına ünvanlanmış məktubunun, 80 illik yubileyi münasibətilə şair Oljas Süleymenova təbrikinin və digər müraciət və məktubların mətnləri ilə də bu kitabda tanış olmaq mümkündür.

Kitabda "Qeydlər”, "Şəxsi adlar”, "Coğrafi adlar” göstəriciləri verilib.

"Azərnəşr” tərəfindən buraxılan 74-cü kitabın hazırlanmasında Azərbaycan Dövlət İnformasiya Agentliyinin (AZƏRTAC) materiallarından istifadə olunub.

Oxunub: 370

SON XƏBƏRLƏR

2025-06-21

11:07 Əsl dosta fəlsəfi düşüncələrimlə dost payı

10:40 Daşdəmir Əjdəroğlu-Tağıyev - 60

10:32 Daşdəmir Əjdəroğlu - 60

10:27 Daşdəmir Əjdəroğlu – 60 : Zəhmətkeşliyi ilə fələyi də onun kimi saymağa vadar edən jurnalist

2025-06-19

18:03 Azərbaycan MAMA "Ana təbiət” sərgisi ilə ilk dəfə London Dizayn Biennalesində

2025-06-11

01:16 Gündəlik 400-500 manat dövriyyəsi olan obyekt satışa çıxarılıb

01:11 Azərbaycanda işığın qiyməti ilə bağlı YENİ QANUN

01:03 Prezident İlham Əliyev Dövlət Gömrük Komitəsinin yeni inzibati binasının açılışında iştirak edib

2025-06-03

01:11 Prezident İlham Əliyev minifutbol üzrə dünya çempionatının qalibi olan Azərbaycan milli komandasının üzvlərini qəbul edib YENİLƏNİB VİDEO

2025-05-29

12:30 Azərbaycan Prezidenti: Əminəm ki, azad edilmiş Laçından bu gün üç ölkənin dünyaya verdiyi mesajlar lazımi ünvana çatacaq

2024-07-21

02:28 Laçında Azərbaycan Prezidentinin, Türkiyə Prezidentinin və Pakistanın Baş nazirinin Zirvə görüşü keçirilib

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

13:25 Bakı növbəti dəfə Beynəlxalq Şahmat Festivalına ev sahibliyi edəcək

18:58 UEFA Avropa Liqasında 1/8 final mərhələsinə bu gün yekun vurulacaq

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

Təqvim