Bu il Azərbaycanda 7 min zəlzələ qeydə alınıb - VİDEO

CANLI TV / 04.12.2018 16:08

Bu il ərzində ölkə ərazisində 7 minə yaxın zəlzələ qeydə alınıb.Zəlzələlər Azərbaycanın müxtəlif ərazilərində quraşdırılan 35 seysmotelemetrik stansiyalar vasitəsi ilə qeydə alınıb.

Respublika Seysmoloji Xidmət Mərkəzinin baş direktoru Qurban Yetirmişlinin sözlərinə görə,qeydə alınan 7 minə yaxın zəlzələdən 4 minə yaxını Azərbaycan və ona bitişik ərazilər, 3 minə yaxını isə uzaq zəlzələlərdir. Ötən il ən güclü zəlzələlər şimal-qərb və cənub bölgələrində baş verib.

Bununla yanaşı, Şamaxı-İsmayıllı,Quba-Qusar,Şəki-Zaqatala-Balakən Gəncəbasar zoanları eləcədə Naxçıvan Muxtar Respublikası seysmik aktiv zonalardır. Qurban Yetirmişli deyir ki, ən zəif zəlzələlər əsasən Kür çökəkliyi ətrafında baş verib.

Qurum rəsmisi həmçinin onu da bildirdi ki, ötən illə müqayisədə bu il ölkə ərazisində baş verən zəlzələlrin sayı azalıb. Araşdırma zamanı o da məlum olub ki, süni zəlzələlər daha çox qızıl yataqları olan ərazilərdə, Daşkəsən və Naxçıvan Muxtar respublikasının İranla sərhəd olan hissəsində olur.