Bakının bu ərazilərində sürüşmə sahələri aktivləşdi

Cəmiyyət / 05.12.2018 11:47

Bakının bir sıra sürüşmə sahələrində noyabr ayı ərzində aktivlik qeydə alınıb.

Ekologiya və Təbii Sərvətlər Nazirliyindən Carcitv-ə verilən məlumata görə, Badamdar sürüşmə sahəsinin istinad divarında yerləşdirilmiş mayaklarda ayın əvvəlində yeni çatlar müşahidə edilib, mövcud çatlarda genişlənmələr və yeni çatlar qeydə alınıb.

Məlumata görə, hazırda ərazidə gərgin vəziyyət saxlanılmaqdadır.

"Buxta küçəsi” sahəsində quraşdırılmış mayaklarda çatlar müşahidə edilib və prosesin dinamikasında nisbi aktivlik qeydə alınıb. Zığ-1 sürüşmə sahəsi ərazisində lokal sahələrdə təbii və texnogen amillərin təsirindən sürüşmə prosesinin dinamikasında nisbi aktivlik müşahidə edilib.

Masazır qəsəbəsi – "Zəli gölü” adlanan ərazidə, Nübar qəsəbəsində təbii və texnogen amillərin təsirindən sürüşmə və uçqun prosesinin dinamikasında nisbi aktivlik qeydə alınıb”.

Bununla yanaşı, Xəzər rayonu Qala qəsəbəsində atmosfer yağıntılarının təsirindən qrunt sularının səviyyəsinin qalxması müşahidə edilir.

Oxunub: 352