Məqsədimiz gələcəyin olimpiyaçılarını yetişdirməkdir

MÜSAHİBƏ / 04.01.2019 22:36

Yenicə başa vurduğumuz 2018-ci ildə əldə edilmiş idman uğurlarında yeniyetmə və gənc atletlərin də xüsusi payı var. İdman nailiyyətləri ilə qürur doğuran bu idmançıların əksər hissəsi uşaq-gənclər idman məktəblərində yetişir. Respublikamızın qabaqcıl idman məktəblərindən biri olan "Təhsil” Respublika İdman Mərkəzinin 1 nömrəli Respublika Olimpiya Ehtiyatları Uşaq-Gənclər İdman Məktəbində (RİOEUGİM) güləş, cüdo, atletika, üzgüçülük, ağırlıqqaldırma, boks, stolüstü tennis bölmələri üzrə 110 qrupun tərkibində minədək uşaq, yeniyetmə və gənc idmanın sirlərinə yiyələnir.

CarciTV xəbər verir ki, RİOEUGİM-in yetirmələri dünya və Avropa birinciliklərində böyük uğurlar qazanıblar

RİOEUGİM-in direktoru Fərhad Acalov öz müsahibəsində məktəbin yetirmələrinin 2018-ci ildə əldə etdikləri nailiyyətlərlə bağlı məlumat verib. Qeyd edib ki, bu idman ocağında yetişən yeniyetmə və gənc atletlər ölkədaxili yarışlarda və beynəlxalq turnirlərdə, o cümlədən Avropa və dünya birinciliklərində yüksək nəticələr qazanıblar. Güləş bölməsində idmanla məşğul olan Məmməd Əhmədov Macarıstanın Qyor şəhərində sərbəst güləş üzrə yeniyetmələr arasında keçirilən Avropa birinciliyində gümüş medal qazanıb. Yunan-Roma güləşi üzrə isə Zaqrebdə yeniyetmələrin dünya birinciliyində Adəm Hacızadə bürünc medal əldə edib. Cüdo bölməsinin yetirmələri Mətin Rzazadənin Sarayevoda keçirilən yeniyetmələrin Avropa birinciliyində gümüş, Rəşad Yelkiyev Qyorda təşkil edilən qitə çempionatında bürünc medalı da yaxşı nəticə kimi qiymətləndirilməlidir.

F.Acalov atletika bölməsinin yetirməsi məşğul olan Rüstəm Məmmədovun Yeniyetmələrin III Olimpiya Oyunlarında iştirakını xüsusi vurğulayıb. Qeyd edib ki, atletikanın kürəitələmə növündə Günel Hüseynova Azərbaycan birinciliyində rekord nəticəyə (11 m, 68 sm) imza atıb. Ağırlıqqaldırma üzrə ötən ay Qahirədə keçirilən və "Tokio 2020” Olimpiadasına lisenziya xarakteri daşıyan İslam Həmrəyliyi İdman Federasiyasının V çempionatında Əliş Nəzərov gümüş medal qazanıb.

Yeniyetmə atletlərin potensiallarını üzə çıxarmaq üçün idman ocağında ardıcıl tədbirlər görülür

Ötən il kütləvi yarışlarda idman ocağının yetirmələrinin iştirakına lazımi şəraitin yaradıldığını vurğulayan Fərhad Acalov bildirib ki, yeniyetmə atletlərin təcrübəsini artırmaq, potensiallarını üzə çıxarmaq üçün görülən işlər davam edir. Tədris ilində məktəbin təqvim planına uyğun olaraq, bütün bölmələr üzrə idman yarışları və kütləvi tədbirlər keçirilib. 2017-2018-ci tədris ili üçün məktəbdə 51 idman ustalığına namizəd və 4 nəfər idman ustası hazırlanıb. Bundan başqa, 111 nəfər birinci, 260 nəfər isə ikinci və üçüncü dərəcə normativlərini yerinə yetirib. Onların arasında istedadlı və bacarıqlı idmançılar var.

"Hazırda komandalarımızın təlim-məşqləri başlayıb. Qarşıda təmsilçilərimizi bütün növlər üzrə respublika birincilikləri və çempionatları gözləyir. Həmin yarışların nəticələrinə əsasən Avropa, dünya birinciliklərində, beynəlxalq turnirlərdə çıxış edəcək idmançılarımız müəyyənləşəcək. Bu idmançıların 2019-cu ildə daha yüksək nəticələr əldə etmək üçün məktəbin rəhbərliyi tərəfindən bir sıra tədbirlərin həyata keçirilməsi planlaşdırılıb. Məqsədimiz daha güclü idmançılar hazırlamaq, gələcəyin olimpiyaçılarını yetişdirməkdir”, - deyə Fərhad Acalov əlavə edib.

Oxunub: 391

SON XƏBƏRLƏR

2024-11-21

03:05 Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva COP29-da təqdim edilən inklüziv sərgi ilə tanış olublar

02:53 Dağlar qoynundakı təbiət möcüzəsi - Kəlbəcər rayonunun Əsrik kəndindən FOTOREPORTAJ

02:33 Azadlığına qovuşmuş Ağdam quruculuq və inkişaf dövrünü yaşayır

2024-11-14

13:29 Bakıda COP29-un Liderlər Sammitinin açılış mərasimi

13:19 Bakıda COP29 çərçivəsində Parlament Görüşü keçiriləcək

13:10 It started 18 years ago with the UAE leadership’s pioneering vision to diversify the economy and address global sustainability challenges

13:04 Bakıda qadın heykəli buna görə sökülübmüş...SƏBƏB...FOTO

2024-11-13

12:04 Bakıda COP29-un Liderlər Sammitinin açılış mərasimi keçirilib

2024-11-06

13:06 Prezident İlham Əliyev Bakı Olimpiya Stadionunun ərazisindəCOP29-la bağlı yaradılan şəraitlə tanış olub VİDEO

12:50 Prezident İlham Əliyev: Azərbaycan TDT-nin möhkəmlənməsi istiqamətində səylərini bundan sonra da davam etdirəcək

12:47 Şeyxülislam: COP29-un Azərbaycanda keçirilməsi ölkəmiz üçün böyük əhəmiyyət daşıyır

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim