Dövlət qulluqçularının maaşı artırılır - YENİ QANUN LAYİHƏSİ - VİDEO

CANLI TV / 26.01.2019 11:32

Dövlət qulluqçularına əmək haqlarının ödənişi zamanı yeni yanaşma tətbiq ediləcək.

Carcitv.az-ın məlumatına görə, bu məsələ "Dövlət qulluqçularının əməyinin ödənilməsi sistemi haqqında" yeni qanun layihəsində öz əksini tapıb.

Əmək və əhalinin sosial müdafiəsi nazirinin müavini Mətin Kərimli deyib ki, mövcud qanunvericilik bazasının təkmilləşdirilməsinə ehtiyac var. Onun sözlərinə görə, dövlət qulluğu sahəsində maaşlar özəl sektorla müqayisə oluna biləcək səviyyədə müəyyən ediləcək.

Dövlət İmtahan Mərkəzinin Direktorlar Şurasının sədri Məleykə Abbaszadə isə bildirib ki, mövcud qanunvericilikdə dövlət qulluqçularının qiymətləndirilməsi sistemi olsa da, dövlət qulluqçusunun fəaliyyətinin nəticəsi onun əməkhaqqına heç bir təsir göstərmir. Dövlət qulluqçularının motivasiyalarının artırılmasının vacibliyini vurğulayan Məleykə Abbaszadə qeyd edib ki, hazırda dövlət və özəl sektor arasında həm peşəkar kadrlar, həm də əmək haqqı baxımından fərq var.

Bu arada,"Azərbaycanın dövlət qulluğu sistemində islahatların davam etdirilməsinə dəstək" adlı Tvinninq layihəsinin bağlanış mərasimi keçirilib.

Xezerxeber.az mövzu ilə bağlı daha ətraflı videomaterialı təqdim edir:

Oxunub: 463

SON XƏBƏRLƏR

2025-04-19

03:30 Prezident İlham Əliyev və birinci xanım Mehriban Əliyeva “Sea Breeze” istirahət mərkəzinin ərazisində həyata keçirilən layihələrlə tanış olublar