Carçı TV | ŞAD XƏBƏR: Azərbaycanda evlərin qiyməti ucuzlaşacaq

ŞAD XƏBƏR: Azərbaycanda evlərin qiyməti ucuzlaşacaq

İqtisadiyyat / 03.02.2019 14:24

Bu ilin birinci yarısında Azərbaycanda mənzil qiymətlərinin 5-10 faiz ucuzlaşması gözlənilir.

Carcitv.az xəbər verir ki, bunu Trend-ə "Koneko Group" qiymətləndirmə şirkətinin direktoru Vüqar Oruc deyib.

O bildirib ki, dövlət tərəfindən sosial mənzillərin tikintisi layihəsinin reallaşdırılması nəticəsində bazarda təklifin artımı müşahidə olunur: "Buna əsaslanaraq, bu il təklifin artması və daşınmaz əmlak bazarında qiymətin azalması gözlənilir".

V.Orucun sözlərinə görə, hazırda ölkənin daşınmaz əmlak bazarında alqı-satqı əməliyyatlarının sayı azdır, amma bununla belə, canlanma da müşahidə olunur:

"Satıcılar daşınmaz əmlakı qısa müddət ərzində sata bilmir. Müəyyən müddətdən sonra daşınmaz əmlakın qiymətinin düşdüyünü müşahidə edirik. Bu, onunla bağlıdır ki, satıcılar qısa müddət ərzində daşınmaz əmlakı sata bilmir və ilkin qiyməti azaltmağa məcbur olur".

O, həmçinin əlavə edib ki, daşınmaz əmlak bazarında qiymətlərin kəskin artımı gözlənilmir.

Oxunub: 348

ŞAD XƏBƏR: Azərbaycanda evlərin qiyməti ucuzlaşacaq

İqtisadiyyat / 03.02.2019 14:24

2026-01-04

2025-12-26

2025-12-25

2025-12-24