Birinci vitse-prezident, Azərbaycan Gimnastika Federasiyasının prezidenti Mehriban Əliyeva sayəsində ölkədə gimnastikanın inkişafı üçün ən yaxşı şərait yaradılıb.

CANLI TV / 17.03.2019 22:51

Mehriban Əliyeva sayəsində Azərbaycanda gimnastikanın inkişafı üçün ən yaxşı şərait yaradılıb - Mariana Vasileva

Bunu gimnastika üzrə Azərbaycan milli komandasının baş məşqçisi Mariana Vasileva deyib.

CARÇITV xəbər verir ki, baş məşqçi bildirib ki, bu il Bakı dünyanın gimnastika paytaxtına çevriləcək:

"Fevralda bizdə batut üzrə Dünya Kuboku keçirilib. Bu günlərdə idman gimnastikası üzrə Dünya Kuboku keçirilir. Aprelin 26-27-də bədii gimnastika həvəskarları bu idman növü üzrə Dünya Kubokunu izləyə biləcəklər. Həmin yarışdan əvvəl "AGF Trophy” beynəlxalq turniri keçiriləcək. Bu turnirdə Avropa çempionatına hazırlaşan gənc gimnastlar çıxış edəcək. Avropa çempionatı da Milli Gimnastika Arenasında keçiriləcək”.

Avropa çempionatından danışan M.Vasileva qeyd edib ki, bəzi ölkələr, məsələn Moldova və Şimali Makedoniya yarışda ilk dəfə iştirak edəcək:

"Avropa çempionatı böyük əhəmiyyət daşıyır, çünki bu turnir sentyabrda Bakıda keçiriləcək lisenziya xarakterli dünya çempionatı üçün yaxşı hazırlıq mərhələsi hesab oluna bilər. Bundan başqa, gimnastlara azarkeşlik etmək üçün çox sayda xarici qonağın gəlməsi gözlənilir”.

Oxunub: 452