Rayon rəhbərliyi niyə bu ailənin taleyi ilə marağlanmır?

CANLI TV / 16.11.2019 00:28

Xatırladaq ki, 2019-cu ilin fevralında 5-6 bal gücündə zəlzələ zamanı Şamaxı rayonunda xeyli yaşayış evinə və təsərrüfat tikililərinə ziyan dəyib. Dövlət başçısının sərəncamı ilə baş vermiş zəlzələdən ziyan dəymiş Şamaxı rayonunda bərpa işlərinin davam etdirilməsinə 2 milyon manat ayrılıb.

Dövlətimizin başçısı cənab İlham Əliyevin Şamaxıya gələrək zəlzələdən zərərçəkənlərlə görüşünün onlarda böyük ümid yaratdığını qeyd edən Şamaxı sakini, Şamaxı şəhəri, C.Məmmədquluzadə küçəsi 10 ünvanında yaşayan Samir Nəbiyev bildirdi ki, "Baş vermiş zəlzələ zamanı evimiz qəzalı vəziyyətə düşdü. Ölkə rəhbəri verdiyi sərəncam və tapşırıqların qısa müddət ərzində icrasının təmin edilməsi və işlərin tezliklə sona çatdırılması ilə bağlı aidiyyəti qurumlara müvafiq tapşırıqlar verib.”

Artıq zəlzələnin baş verdiyi vaxtdan 10 aya yaxın vaxt keçməsinə baxmayaraq, dövlət başçısının verdiyi tapşırıqlar bu günə kimi icrasız qalıb. Fövqəladə Hallar Nazirliyi, Şamaxı Rayon İcra Hakimiyyəti tərəfindən süründürməçiliyə məruz qalan Samir Nəbiyev,"carciTV"-yə müraciət etdi. Müraciətində ürəkağrısı ilə qeyd etdi ki, "bu barədə dəfələrlə aidiyyatı qurumlara rəsmi və şifahi qaydada müraciət etməyimə baxmayaraq ailəm və körpə uşaqlarımla birgə hələ də qəzalı vəziyyətdə olan evdə yaşayırıq. Körpə uşaqların nə günahı var axı? Onların talehi heç kimi maraqlandırmır."

Ümid edirik ki, Fövqəladə Hallar naziri Kəmaləddin Heydərov, Şamaxı Rayon İcra Hakimiyyətinin başçısı Tahir Məmmədov bizim müraciətimizdən sonra bu məsələni öz nəzarətlərinə götürəcək, çarəsiz qalan bir ailəni təhlükəli vəziyyətdən xilas edəcəklər.

Samir Nəbiyevin VİDEO MÜRACİƏTİNİ yaxın zamanda sizlərə təqdim edəcəyik.

carcitv.az

Oxunub: 377

SON XƏBƏRLƏR

2025-04-19

03:30 Prezident İlham Əliyev və birinci xanım Mehriban Əliyeva “Sea Breeze” istirahət mərkəzinin ərazisində həyata keçirilən layihələrlə tanış olublar