Bişkek şəhərində Azərbaycanın inşa edəcəyi məktəbin təməli qoyulub

XƏBƏR / 24.12.2019 23:57

Dekabrın 24-də Bişkek şəhərində Azərbaycan Respublikası tərəfindən inşa ediləcək 550 yerlik müasir tipli məktəb binasının təməlqoyma mərasimi keçirilib.

carciTV xəbər verir ki, tədbirdə Bişkek şəhərinin meri Əziz Surakmatov, vitse-meri Ulanbek Azıqaliyev, Joqorku Keneşin (parlamentin) deputatları, Bişkek şəhəri Oktyabr Rayon İcra başçısı Maksim Sitnikov, Azərbaycanın Qırğızıstandakı səfiri Hidayət Orucov, diasporumuzun nümayəndələri, şəhər sakinləri və KİV nümayəndələri iştirak ediblər.

Maksim Sitnikov təməlqoyma mərasimini açaraq məktəb tikintisinin sakinlər üçün böyük və mühüm hadisə olduğunu bildirib.

Bişkek şəhərinin meri Əziz Surakmatov çıxış edərək məktəbin Azərbaycan xalqının hədiyyəsi olduğunu, məktəbə ulu öndər Heydər Əliyevin adının veriləcəyini bildirib. Azərbaycan xalqına və Prezident İlham Əliyevə belə bir hədiyyə üçün təşəkkür edib. Tədbirin Prezident İlham Əliyevin doğum günündə baş tutmasının simvolik olduğunu vurğulayaraq şəhər əhalisi adından dövlətimizin başçısını təbrik edib, ona möhkəm cansağlığı və uğurlar arzulayıb. Bildirib ki, Prezident İlham Əliyev ulu öndər Heydər Əliyev siyasi kursunu layiqincə davam etdirir.

Məktəbin layihəsinin ən müasir tələb və standartlar nəzərə alınmaqla hazırlandığını qeyd edən mer Azərbaycan xalqına sülh və firavanlıq arzulayıb.

Səfir Hidayət Orucov məktəbinin təməlinin qoyulması ilə bağlı Azərbaycan Prezidenti İlham Əliyevin məktubunu oxuyub.

Bildirib ki, məktəbin tikiləcəyi ərazi müəyyənləşdiriləndə beş yer təqdim olunmuşdu, sonda Azərbaycan və Qırğızıstan prezidentləri binanın Oktyabr rayonunda tikilməsinə üstünlük verdilər. Çünki 30 min əhalisi olan mikrorayonda üç növbədə işləyən cəmi bir məktəb var.

Məktəbdə işləyəcək müəllimlərin, təhsil alacaq şagirdlərin və gələcək nəsillərin bu əlamətdar hadisəni xatırlayacağına əminliyini ifadə edən səfir vurğulayıb ki, ölkələrimiz arasında əməkdaşlığın genişləndirilməsi və dərinləşdirilməsi Azərbaycan və Qırğızıstan Prezidentləri İlham Əliyevin və Sooronbay Jeenbekovun müdrik və uzaqgörən siyasətinin nəticəsidir. Əminik ki, ölkələrimiz arasındakı münasibətlər liderlərimizin rəhbərliyi ilə genişlənəcək və möhkəmlənəcək.

İctimaiyyət adından çıxış edən istefada olan polkovnik Abdırasul Mıraliyev məktəbin tikintisini xalqlarımız arasında sıx qardaşlıq bağlarının sübutu kimi qiymətləndirib. O ulu öndər Heydər Əliyevin "Manas" dastanının 1000 illiyinə həsr olunmuş təntənəli yığıncaqda çıxışından sitat gətirərək deyib: "Manas"ın dili bizim hamımızın dilidir. Biz bir kökdən, bir dildən olan xalqlarıq”.

Sonra Ə.Surakmatov və H.Orucov məktəb binasının təməlini qoyublar. Onlar jurnalistlərin çoxsaylı suallarını cavablandırıblar.

Daha sonra qəsəbə sakinləri yeni inşa olunacaq məktəbin layihəsi ilə tanış olublar.

Oxunub: 377

SON XƏBƏRLƏR

2025-08-02

00:30 Direktor: “Abşeron” mədə-bağırsaq sanatoriyasında uroloji xidmətlər də göstəriləcək

2025-06-21

11:07 Əsl dosta fəlsəfi düşüncələrimlə dost payı

10:40 Daşdəmir Əjdəroğlu-Tağıyev - 60

10:32 Daşdəmir Əjdəroğlu - 60

10:27 Daşdəmir Əjdəroğlu – 60 : Zəhmətkeşliyi ilə fələyi də onun kimi saymağa vadar edən jurnalist

2025-06-19

18:03 Azərbaycan MAMA "Ana təbiət” sərgisi ilə ilk dəfə London Dizayn Biennalesində

2025-06-11

01:16 Gündəlik 400-500 manat dövriyyəsi olan obyekt satışa çıxarılıb

01:11 Azərbaycanda işığın qiyməti ilə bağlı YENİ QANUN

01:03 Prezident İlham Əliyev Dövlət Gömrük Komitəsinin yeni inzibati binasının açılışında iştirak edib

2025-06-03

01:11 Prezident İlham Əliyev minifutbol üzrə dünya çempionatının qalibi olan Azərbaycan milli komandasının üzvlərini qəbul edib YENİLƏNİB VİDEO

2025-05-29

12:30 Azərbaycan Prezidenti: Əminəm ki, azad edilmiş Laçından bu gün üç ölkənin dünyaya verdiyi mesajlar lazımi ünvana çatacaq

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Əlaqə

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Haqqımızda

İDMAN

13:25 Bakı növbəti dəfə Beynəlxalq Şahmat Festivalına ev sahibliyi edəcək

18:58 UEFA Avropa Liqasında 1/8 final mərhələsinə bu gün yekun vurulacaq

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

Təqvim