45 saylı Abşeron seçki dairəsindən deputatlığa namizəd Cəmil Dadaşovun Abşeronda seçicilərlə görüşləri davam edir.

CANLI TV / 31.01.2020 01:52

Kainat.tv-yə istinadən carciTV xəbər verir ki, deputatlığa namizəd Cəmil Dadaşov bugünkü görüşlərini şəhid ailələrinin evində keçirib. O, Azərbaycanın torpaqları uğrunda gedən döyüşlərdə qəhrəmançasına həlak olan Talıbov Elçin Yaqub oğlunun və Talıbov İlqar Yaqub oğlunun ailəsinə baş çəkib. Gorüş çox səmimi və isti ortamda keçib.

Deputatlığa namizəd şəhid ailələrinin fikirlərini dinləyib, eyni zamanda, həm şəhidlər, həm də səsləndirilən fikirlərlə bağlı münasibətini bildirib.

Cəmil Dadaşov şəhidlərin Azərbaycan xalqının milli qürur və şərəf mənbəyi, baş tacı olduğunu, onların daim qəlblərdə yaşadığını, eyni zamanda, Azərbaycan dövləti və dövlət başçısı İlham Əliyev, eləcə də, ölkənin Birinci vitse-prezidenti Mehriban Əliyeva tərəfindən şəhidlərin xatirəsinin əziz tutulduğunu, şəhid ailələrinin daim diqqətlə və qayğı ilə əhatə olunduğunu bildirib.

Şəhid ailələri də Azərbaycan dövləti tərəfindən onlara göstərilən diqqət və qayğıdan razı qaldıqlarını, ölkə Prezidentinin siyasətini dəstəklədiklərini, 09 fevral seçkilərində ən layiqli namizədlərə səs verəcəklərini bildiriblər.

Oxunub: 485