Cəlilabadda seçki saxtakarlığı – RTŞ-nin müdiri müəllimlərin vəsiqələrini yığıb məntəqələrə göndərdi

XƏBƏR / 12.02.2020 21:26

67 saylı Cəlilabad şəhər seçki dairəsinin bir çox məntəqələrdə bülletenlər sayılmamış seçkilərə start verilib. Şəhər, qəsəbə və seçki dairəsinə düşən kəndlərdə məktəb müəllimlərinin şəxsiyyət vəsiqələri RTŞ-nın müdiri Qərənfil Əhmədova tərəfindən yığılaraq məntəqələrə göndərildiyi iddia olunur.

carciTV Xeberfakt.az-a istinadən xəbər verir ki, bundan əlavə bir çox məntəqələrdə seçki qutusuna kütləvi bülleten qutuya atılıb.

Onlarla məntəqələrdə artıq "karusel” üsulu ilə saxtakarlıqlar başlayıb. 67 saylı Cəlilabad şəhər seçki dairəsinin məntəqə rəhbərlərinə yuxarıdan göstəriş verildiyi üçün, müşahidəçilərin audio və video izləmələrinə də qadağa qoyulduğu bildirilir.

Cəlilabadda idarə, müəssə rəhbərləri və işçiləri deputatlığa namizəd Malik Həsənovun qutudan çxması üçün səfərbər edilib. Həmçinin təhsil müdiri müəllimləri və texniki işçiləri şəxsiyyət vəsiqələrini yığıb 20-yə yaxın məntəqədə kütləvi səs verməyə apartırıb. Gələn xəbərlərdə, müşahidəçilər və məşvərətçilərin iradına baxmayaraq proses bu qaydada davam etdirildiyi bildirilir.

Oxunub: 446