Müştərilərə köhnə yeməklər verirlər - VİDEO

CANLI TV / 02.03.2020 23:56

"Müştərilərə köhnə yeməklər verirlər” - VİDEO

"Müştərilərə köhnə yeməklər verirlər” - Ölkədə kafe, restoran və şadlıq saraylarının fəaliyyətindəki çatışmazlıqlar hər zaman müzakirə mövzusu olub. Belə ki, bəzi ictimai iaşə obyektləri istər xidmət keyfiyyətinə, istərsə də qiymətlərinə görə, istehlakçıların narazılığına səbəb olur.

Mövzu ilə bağlı Azad İstehlakçılar Birliyinin sədri Eyyub Hüseynov hazırda kafe, restoran və şadlıq saraylarında olan bir sıra xoşagəlməz hallar barədə Lent.az -a danışıb. O, bəzi restoranlarda hansı şərtlərlə qonaq qarşılanmasından və bahalıqdan söz açıb.

Birlik sədri həmçinin əksər kafe, restoran və şadlıq evlərində zalların görünüşü ilə mətbəxlərinin üst-üstə düşmədiyini dilə gətirib. O, Bakının mərkəzində olan restoranların birində evdə bişirilib gətirilən yeməklərin qızdırılıb müştərilərə verildiyini də bildirib.

Eyyub Hüseynov mətbəxi müştəridən gizlədən kafe və restoranlar barədə müvafiq dövlət qurumlarına müraciət etməyi tövsiyə edib. Sədr bundan əlavə, bəzi şadlıq saraylarında bir neçə gün əvvəldən hazırlanan yeməklərin də müştərilərə verilməsindən söz açıb.

Azad İstehlakçılar Birliyinin sədri Azərbaycanda kafe və restoranlarda çoxlu sayda qanun pozuntusu aşkarlanmasına baxmayaraq, onların bağlanmadığını deyib. O həmçinin ölkədə kafe və restoranların bağlanma prosesinin sadə olmadığını da dilə gətirib.

carciTV

Oxunub: 441