Zakir Fərəcovdan Operativ Qərargahın tələblərinə qarşı SAYĞISIZLIQ

XƏBƏR / 23.03.2020 00:32
Zakir Fərəcovdan Operativ Qərargahın tələblərinə qarşı SAYĞISIZLIQ


Sumqayıt Şəhər İcra Hakimiyyətinin başçısı Zakir Fərəcov Nazirlər Kabineti yanında operativ qərargahın xüsusi rejimdə iş üzrə Təlimatını pozub.
Kainat.tv Pravda.az-a istinadən xəbər verir ki, Zakir Fərəcovun rəhbərliyi ilə koronavirus pandemiyasına qarşı qabaqlayıcı tədbirlərin görülməsi ilə bağlı yaradılan komissiyanın geniştərkibli iclası keçirilib.

İclasda Sumqayıt şəhərində koronavirusa pandemiyasına qarşı aparılan tədbirlər haqqında ətraflı məlumat verilib, bu istiqamətdə görülən işlər müzakirə olunub.

Vurğulanıb ki, Azərbaycanda Koronavirusla bağlı məsələ ölkə Prezidenti Cənab İlham Əliyev tərəfindən də elə ilk gündən nəzarətdə saxlanılmış, Nazirlər Kabineti 2020-ci il 30 yanvar tarixində Azərbaycan Respublikasında yeni Koronavirus xəstəliyinin qarşısınin alınması ilə bağlı fəaliyyət planını təsdiq edilib. Ölkəmizdə ilk Koronavirus infeksiyasına yoluxma faktı qeydə alınan kimi ölkə başçısının tapşırığı ilə  Nazirlər Kabineti yanında Operativ Qərargah yaradılıb. Sumqayıt şəhərində yaradılmış komissiya tərəfindən də şəhər sakinləri arasında maarifləndirici tədbirlər görülür, Nazirlər Kabineti yanında Operativ Qərargahın qəbul etdiyi qərarlara və müəyyənləşdirdiyi qaydalara əməl olunmasına ciddi şəkildə nəzarət həyata keçirilir.

Qeyd olunub ki, şəhərdə fəaliyyət göstərən təhsil, səhiyyə, mədəniyyət, gənclər, sənaye, nəqliyyat, məcburi köçkünlərin sıx məskunlaşdığı yataqxanalar, böyük ticarət mərkəzləri, avtovağzal,   dəmiryolunda və şəhərin müxtəlif  yerlərində (park, bulvar, meydanlarında) qrafik üzrə müntəzəm olaraq tibbi proflaktik dezinfeksiya işləri aparılmış və bu gün də aparılmaqdadır.

Şəhər icra hakimiyyətinin başçısı bir daha şəhər sakinlərindən xahiş edib ki, çox ciddi zərurət olmadğı təqdirdə küçəyə çıxmaqdan çəkinsinlər. Özlərinin, ailələ üzvlərinin və uşaqların təhlükəsizliyini təmin etmək məqsədi ilə evdə qalmağa üstünlük versinlər.

İclasda şəhər rəhbəri aparılan dezinfeksiya işlərinin daha da sürətləndirilməsi ilə bağlı ciddi tapşırıqlar verib.

Qeyd: İclasda diqqətçəkən məqam iştirakçıların maska taxması olub. İcra başçısı isə maskadan istifadə etməyib.
Xatırlatma: Baş Nazir Əli Əsədov martın 17-də mərkəzi və yerli icra hakimiyyəti orqanlarının və dövlət qurumlarının rəhbərlərinə xüsus rejimdə iş normalarına dair təlimatları imzalayıb.

Təlimatda deyilir:

Koronavirus (COVİD-19) infeksiyasına qarşı mübarizənin təşkili məqsədilə aşağıdakıların təmin edilməsi və icrasına ciddi nəzarət olunması Sizə tapşırılır:

1. İclasların, müşavirələrin və toplantıların yalnız telefon (selektor) rabitəsi, mobil və internet rabitəsi vasitəsilə keçirilməsinə üstünlük verilsin;

2. Mümkün olduğu halda, əməkdaşların məsafədən işləmələri məsələsinə baxılsın;

3. 60 yaşdan yuxarı şəxslərin və öhdəsində azyaşlı uşağı olan qadınların iş davamiyyətinə güzəştli şərtlər tətbiq edilsin;

4. İşçilərin və onların ailə üzvlərindən birinin qrip, soyuqdəymə, halsızlıq və digər bu kimi halları olduğu təqdirdə həmin işçilərin işə çıxması qadağan edilsin;

5. Xüsusi zərurət olduğu hallar istisna olmaqla, bütün ezamiyyətlər dayandırılsın. Ezamiyyətə xüsusi zərurət olduğu hallarda, razılıq alınması məqsədilə dövlət orqanlarının və qurumlarının rəhbərləri tərəfindən operativ qərargaha əsaslandırılmış rəsmi müraciət edilsin;

6. Əməkdaşların xarici ölkələrə şəxsi səfərləri məhdudlaşdırılsın;

7. Vətəndaş qəbulu ilə əlaqədar aşağıdakı qaydalara riayət edilsin:

7.1. qəbul otağında vətəndaşların qrup və fərdi surətdə qəbulları təxirə salınsın;

7.2. yerlərdə səyyar qəbulların keçirilməsi təxirə salınsın;

7.3. vətəndaşların müraciətlərinin fasiləsiz qəbulu yalnız elektron və telefon rabitəsi vasitəsilə həyata keçirilsin, bu məqsədlə hər orqan və qurumda elektron və telefon əlaqə ünvanları və nömrələri müəyyən edilsin, habelə qaynar xətlərin fasiləsiz fəaliyyəti təmin edilsin;

7.4. vətəndaş müraciətlərinin yalnız elektron və telefon vasitəsilə qəbul edilməsi məqsədilə hər orqan və qurumda məsul əməkdaşlar müəyyən edilsin;

7.5. mümkün olduğu halda, vətəndaşlara səyyar xidmətlərin göstərilməsi təşkil edilsin;

7.6. görülən tədbirlər barədə vətəndaşların məlumatlandırılması təmin olunsun;

7.7. mərkəzi və yerli icra hakimiyyəti orqanları, dövlət qurumları vətəndaşların müraciətlərinə xüsusi həssaslıqla yanaşsınlar.

8. Əməkdaşlara sosial məsuliyyətli davranmaları, xüsusi zərurət olmadan digər şəxslərlə təmasda olmamaları və virusun yayılmasının qarşısının alınmasına dəstək olacaq hər cür ehtiyat tədbiri görmələri tapşırılsın.

9. Yuxarıda qeyd olunan müddəalar hüquq mühafizə və hərbi xidmət orqanlarına, dövlət əhəmiyyətli və həyat təminatlı obyektlərə, fasiləsiz iş rejimində fəaliyyət göstərən müəssisələrə, səhiyyə və digər tibb müəssisələrinin işçilərinə şamil edilmir.


Oxunub: 165



SON XƏBƏRLƏR

2020-07-11

Product image

13:00 Azərbaycanda daha bir həkim koronavirusa yoluxub

Product image

12:55 İki qardaş əmilərini baltaladı - DƏHŞƏTLİ QƏTL

Product image

12:10 İki illik ÇL-dan uzaqlaşdırılan "Mançester Siti" ilə bağlı sensasion xəbər

Product image

12:03 “Koronavirusa yoluxmuş həkim Cavid Paşayevin vəziyyəti ağırlaşıb” - Rəşad Mahmudov

Product image

11:07 Dünyada koronavirusa yoluxanların sayı 12,1 milyonu ötüb, virusdan 551 mindən çox insan ölüb

Product image

11:03 "Əsgəri döyüb, suya atıblar və boğublar" - DAYISI

Product image

10:59 Prezident SƏRƏNCAM İMZALADI TƏBRİK EDİRİK!

Product image

10:51 Ziya Məmmədovun tikdirdiyi bina satılır

Product image

10:45 Prezidentin köməkçisi Hikmət Hacıyev metro kartını göstərdi

Product image

10:40 Yeniyetmə qız özünü asdı

Product image

10:38 Karantin rejiminin 40 gün uzadılması ilə bağlı RƏSMİ AÇIQLAMA

XƏBƏR ARXİVİ
ÇOX OXUNANLAR

TƏBRİK EDİRİK!

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Möhtəşəm mitinqi başladı - bütün dünya Azərbaycandan danışırYüz minlərlə insan küçələrə çıxdı!

Nərmanov icra başçısının oğlu əlində 20 min dollar və qolunda 130 min manatlıq saatla POZ VERDİ VİDEO+FOTO

İDMAN Product image

12:10 İki illik ÇL-dan uzaqlaşdırılan "Mançester Siti" ilə bağlı sensasion xəbər

Product image

01:56 UEFA-nın avrokuboklarla bağlı yeni qərarı

Product image

23:13 Braziliya millisinin sabiq üzvü Qazaxıstan klubuna keçib

Təqvim