Sumqayıt Şəhər Təmizlik Departamenti MMC -nin zibil qutusu korrupsiyası - FOTOFAKT

REPORTAJ / 16.04.2020 23:39

"Sumqayıt Şəhər Təmizlik Departamenti" MMC -nin "Zibil konteynerlərinin satın alınması” məqsədilə elan etdiyi tenderin qalibi məlum olub.

İxa.az xəbər verir ki, tenderin qalibi olan "Tikinti Bərpa Firması” MMC "Sumqayıt Şəhər Təmizlik Departamenti" MMC 575 ədəd 1100 litirlik zibil konteyneri satacaq.

"Sumqayıt Şəhər Təmizlik Departamenti" MMC 575 ədəd 1100 litirlik zibil konteyneri üçün "Tikinti Bərpa Firması” MMC-yə 296 min 504 manat 50 qəpik ödəyəcək. Rəqəmlərdən də göründüyü kimi 1100 litirlik zibil konteynerinin 1 ədədinin qiyməti 516 manat olacaq.

Məlumat üçün bildirək ki, 4 ay əvvəl – 2019-cu ilin dekabr ayında "Tikinti Bərpa Firması” MMC Gəncə Şəhər Mənzil-Kommunal Təsərrüfati İstehsalat Birliyinin keçirdiyi tenderin qalibi olub. Tender nəticəsində "Tikinti Bərpa Firması” MMC 650 ədəd 1430 litrlik zibil konteyneri satın və 1 ədəd zibil konteynerinin dəyəri 438 manat olub.

Açıqlanan məlumatlardan da göründüyü kimi 4 ay əvvəl daha böyük həcmdə olan zibil konteynerini 438 manata satın alındığı halda, hazırda 1100 litrlik zibil konteyneri 516 manata satın alınır. Qeyd edək ki, müxtəlif elan saytlarında 1100 litrlik metal zibil konteynerinin 420 manata satılmadı barədə elanlara rast gəlmk mümkündür.

Onu da bildirək ki, "Tikinti Bərpa Firması” MMC 03.03.2011-ci il tarixində dövlət qeydiyyatına alınıb. Hüquqi ünvanı Quba şəhəri məh.16 olaraq göstərilən MMC-nin nizamnamə kapitalı 10 manat təşkil edir. Qanuni təmsilçisi Cəfərov Rafiq İmanqulu oğlu olan MMC barədə açıq internet resurslarda heç bir məlumata rast gəlmək mümkün deyil.

carciTV

Oxunub: 527

SON XƏBƏRLƏR

2025-04-10

16:26 QÜRBƏT ELDƏ BİR ÖMÜR DƏ GÜLMƏRƏM, ÖZ YURDUMUN BİR GÜNÜNƏ QURBANAM.

16:14 PÜNHANIN PÜNHAN DÜNYASI

16:08 ŞAİQ MUSTAFAYEV YARADICILIĞINDA

15:57 Giya Paçxataşvilinin “Doğum şəhadətnaməsi” şeirlər kitabı haqqında bir neçə kəlmə

15:32 Armud ağacı. Natavan YUSİFOVA

15:26 Sərçə. Məryəm ƏLİYEVA

15:10 Bakıda Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclasları keçirilib