May ayında 190 manatı kimlər alacaq? - Nazirlikdən rəsmi məlumat. VİDEO

CANLI TV / 28.04.2020 00:30

carciTV xəbər verir ki, ƏƏSMN -nin mətbuat katibi Fazil Talıbov real tv yə müsahibə verərək bildirib ki, 190 manatlıq ödəniş ilə bağlı artıq müraciətlərin qəbulu başa çatdı.

''İkinci ödənişi almaq üçün qeydiyyata ehtiyac yoxdur. ƏƏSMN hər bir müraciəti diqqəli bir şəkildə araşdırır.Bir dəfəlik ödəmənin birinci dəfə almış şəxslər barəsində artıq məlumatlar var. Bir dəfəlik ödəməyə haqqı çatan hər bir şəxsə növbəti ay da ödəniş ediləcək.''

Fazil Talıbov əlavə etdi ki, bununla belə, aztəminatlı işsiz şəxslərlə bağlı bir çox istiqamətlərdə sosial dəstək tədbirləri davam edir:

Həmin şəxslərin işlə təminatı, bunun üçün onlara vakansiyalar, habelə ödənişli ictimai iş yerləri təklif olunur.

İş tapmaqda çətinlik çəkənlərin peşə hazırlığına cəlb edilməsi işləri aparılır.

Kiçik ailə təsərrüfatlarını qurmaq üçün maddi imkanları olmayanlara özünüməşğulluq proqramı çərçivəsində dəstək göstərilir. Bu il minimum 12 min ailə üçün belə təsərrüfatlar qurulur, onlara gəlir əldə etmək imkanları yaradılır.

Qeyri-rəsmi çalışanların müəyyən edilməsi və onların əməyinin rəsmiləşdirilməsi üçün tədbirlər görülür.

Mövcud vəziyyətdə maddi çətinlikləri olan ailələr hazırda ölkədə geniş miqyas alan sosial dəstək aksiyalarından yararlanır. Təkcə aprel ayı ərzində Əmək və Əhalinin Sosial Müdafiəsi Nazirliyi və sosial tərəfdaşlarla birgə belə ailələrə 28 min ərzaq payı verilib. Daha 30 min ərzaq payının verilməsi nəzərdə tutulub.

Gəlirləri ehtiyac meyarından aşağı olan ailələrin ünvanlı dövlət sosial yardımı proqramı ilə əhatə olunması işləri aparılır. Proqramın şərtləri də yumşaldılır ki, bu da sosial yardım alanların sayının artmasına imkan verib. Təkcə aprel ayında əlavə olaraq 12 min (50 min ailə üzvü) ünvanlı yardım təyin olub və bu yardımı alanların sayı 82 minə (340 min ailə üzvü) çatıb.

Beləliklə, dəstəyə ehtiyacı olan şəxslər müəyyən edilməklə onlarla bağlı bütün istiqamətlərdə sosial müdafiə tədbirləri həyata keçirilir.

Oxunub: 918