Ağsuda məmur özbaşınalığı Ləngəbiz sakinlərini dövlətdən narazı salır - VİDEO

Kainat.tv-yə istinadən carciTV xəbər verir ki, Ağsuda məmur özbaşınalığı Ləngəbiz sakinlərini dövlətdən narazı salır -  Son vaxtlar dovlət başçısının vətəndaşlarla görüşl'rində, - "bəzən mənə məlumatları olduğu kimi çatdırmırlar" söyləməsindən sonra, ictimai nəzarətin gücləndirilməsi tövsiyyəsi, vətəndaşlara birbaşa ona yazmalarını, xəbər vermələrini tapşırması, vətəndaşlarda dövlət başçısının ətrafında sıx birləşmələrinə bir daha təkan verirdi.

Bu fikirləri təhlil edərkən, Milli Məclisin deputatlarından "Prezidentə yalan məlumatlar verirlər" açıqlaması ətrafında, - "bu necə ola bilər", - deyib düşünərkən bir məlumatın bütün şübhələrimi alt - üst etdiyindən, deyilənlərin həqiqət olduğun anladım.

Bir neçə gün bundan öncə Ağsu rayon Ləngəbiz kəndində sakinlərlə sahibkar arasında baş verən anlaşılmamazlıq zamanı, rayon polis şöbəsinin əməkdaşlarının birbaşa sahibkarın yanında olub, uşaq, cavan, ahıl yaşlı, qadın, qız, gəlin düşünmədən sakinlərə qarşı törətdiyi zorakılığa DİN nin Mətbuat Xidmətinin Şəki Regional Mətbuat Xidmətinin məlumatı məni təəccübləndirdi. Guya ki, sahibkarın çobanı sürüsün İsmayıllı rayonuna keçirirmiş, camaat karantin rejimin pozaraq buna maneçilik törədib və ora dəvət olunan polislərə həmin bir qrup sakini polis bölməsinə aparıb, qanuna müvafiq, karantin rejimini pozduqlarına görə inzibati məsuliyyətə cəlb ediblər.

Düzü bu anlaşılmaz açıqlama ilə bərabər, camaatın ah-naləsin əks etdirən auido - video yazılar, ölkə başçısının və deputatın söylədiklərinin həqiqət olduğun mənim üçün ortaya qoydu... Çünki, eşitdiyimə görə, o sahibkar, illər öncədən kəndin inzibati ərazisi olan, kənd camaatının heyvanlarının otlaması üçün örüş yeri kimi bələdiyyə sənədlərində öz əksin tapan, Ləngəbiz dağlarını 99 illik müqavilə ilə icarəyə götürüb. Dövlətin bu yaxınlarda, 99 illik müqavilələrin qanunla 15 illiyə endirməsi və bu barədə bələdiyyələrə bu kimi mövcud məsələlərə baxıb, həmin müqavilələrin ləğv edilməsi tövsiyyəsindən sonra, qanunun tələbindən yerli bələdiyyə məsələyə baxıb və icra edilib. Yəni, sahibkarla bağlanan 99 illik müqavilənin 15 ili ötən ilə düşdüyündən, yerli bələdiyyə bunu iclas protokolu ilə ləğv edib. Deməli, qanunla həmin sahibkarın o dağda icarəyə yeri yoxdur. Həmin ərazi bütövlükdə kəndin örüş yeri kimi öz hüququ statusun qazanıb. Verilən məlumatda, guya ki, sahibkar 5 - 6 minlik heyvan sürüsün İsmayıllıya aparırmış, Ləngəbiz kəndinin ərazisindən keçirmiş...

Əgər belə idisə, heyvanları çoban niyə yol qırağıyla yox, birbaşa sakinlərin zəmisindən, özü də üzü Ləngəbiz dağlarına tərəf aparırmış..?

Hadisədən 10 (on) günə qədər vaxt keçməsinə baxmayaraq, həmin sahibkar heyvanları bu günə kimi həmin dağda niyə saxlayır..?

Yalanın, faktın həqiqət olmadığını buradan aydın görmək olur... Kənd camaatının üzərinə polis maşınının sürülməsinə, onların təhqir olunmasına, döyülməsinə dair iddalar, sakinlərin mediaya, sosial şəbəkələrə göndərdiyi audio yazılarda və video çəkilişdə olduğu kimi öz əksini tapır.

Əgər yuxarıda sadaladıqlarıma həqiqətə uyğun, olduğu kimi aydınlıq gətirilsəydi, məsələnin ciddi araşdırılmasına ehtiyac yaranardı. Kənd sakinlərinin dövlət başçısına etdiyi müraciətin ciddi araşdırılması üçün mütləq həqiqəti ortaya çıxarmaq lazımdır.

P. S.Quba rayonunda, İsmayıllı rayonunda baş verən və bu gün Ağsu rayonunun Ləngəbiz kəndində baş verən bu kimi hallar, ölkə başçısının təbrincə desək - birbaşa məmur qudurğanlığının bariz nümunəsidir. Audio yazıda səsləndirildiyi kimi,əgər həmin heyvanlar sahibkara yox, adı camaatın dilində deyilən şəxslərə məxsusdursa, mütləq araşdırılmalıdır.