Vahid Əhmədov: - "Bir o deyil ki... İcra başçılarının 90 faizi bu işlə məşğuldur!"

CANLI TV / 06.05.2020 15:20

"O, bu maşını hansı pulla alıb? Hamısı rüşvət və korrupsiya pullarıdır”.

carciTV xəbər verir ki, bunu qaynarinfo-ya açıqlamasında Milli Məclisin deputatı Vahid Əhmədov Qazax Rayon İcra Hakimiyyətinin başçısı Rəcəb Babaşovun oğluna aldığı 275 min dollar (450 min manat) dəyərində olan avtomobildən danışarkən deyib.

Onun sözlərinə görə, icra başçılarının 90 faizi bu işlə məşğuldur:

"O, pulu hardan ala bilər? 1000 manata yaxın maaş alır. Yalnız rüşvət və korrupsiya. Bir o deyil ki… İcra başçılarının 90 faizi bu işlə məşğuldur. Bir məsələnin tərəfdarıyam. İcra baçşılarının əməkhaqlarına baxılsın. Necə ki, dövlət başçısı hakimlərin maaşını artırdı. Elə də icra başçılarının maaşını artırmaq lazımdır. Və demək lazımdır ki, sənə verilən budur, əlini sakit qoy, başqa neqativ hallar olmasın”.

Qeyd edək ki, Qazax Rayon İcra Hakimiyyətinin başçısı Rəcəb Babaşov oğluna 275 min dollar (450 min manat) dəyərində olan avtomobil alıb.

Oxunub: 786