“Çakır” ləqəbli icra başçısının milyonluq biznesi ARAŞDIRMA

CANLI TV / 07.05.2020 02:04

"Çakır” ləqəbli icra başçısının milyonluq biznesi

Qaradağ rayon icra hakimiyyətinin başçısı Süleyman Mikayilovun milyonluq biznesi üzə çıxıb.

carciTV Qaynarinfo-ya istinadən xəbər verir ki, araşdırmacı jurnalist Cavanşir Həsənli məlumat yayıb.

C.Həsənli bildirib ki, icra başçısına qeyri-rəsmi aid olan Qaradağ çınqıl karxanası rəsmi olaraq rayon sakini, Sahil qəsəbəsj, Emin Quliyev pr, ev 50, m. 14 ünvanında qeydiyyatda olan Pərvin Məhyətdin Ağasoltan oğlunun adına rəsmiləşdirilib:

"Karxana "Qaradağ çınqıl” Məhdud Məsuliyyətli Cəmiyyəti adı ilə 2016-cı ildə 1101435531 saylı VÖEN nömrəsi ilə qeydiyyatdan keçib. Məsələnin daha maraqlı tərəfi, "Qaradağ çınqıl” MMC-nin rəsmi sahibi Pərvin Məhyətdin Ağasoltan oğlunun adına 2018-ci ilin noyabrın 1-dən 2020-ci ilin noyabrın 1-dək ünvanlı sosial yardım təyin olunub”.

C.Həsənli Əmək və Əhalinin Sosial Müdafiəsi Nazirliyindən və Qaradağ rayon icra hakimiyyətindən "təkzib” gözləyidiyini əlavə edib:

"Ümid edirəm, Qarabağda belə bir karxana fəaliyyət göstərmədiyini, belə bir adam yaşamadığını və belə bir şirkət olmadığını iddia etməyəcəklər. Süleyman Mikayılovun Sahibkarlığa Kömək Milli Fondunun vəsaitlərini şəxsi biznesinə yönəltməsi, Avropada – qulağımın dibində şirkət açması da bir ayrı mövzudur”.

Oxunub: 521