“Ortada yeyib, qıraqda gəzənlər”: - “JEK”lər

RƏSMİ / 12.05.2020 11:29

"Ortada yeyib, qıraqda gəzənlər”: "JEK”lərin işi bu məsəldən uzağa getmir - DEPUTATLAR DA NARAZIDIR

Əhali arasında daha çox "JEK” kimi tanınan Mənzil İstismar Sahələrinin ləğvi yenidən gündəmə gəlib.

carciTV xəbər verir ki, "JEK”-lərin qanunvericilikdə ləğvi nəzərdə tutulsa da, bu qurum fəaliyyətini hələ də davam etdirir. Mənzil Məcəlləsi MİS-lərin fəaliyyətini qadağan edir. Yəni bu Məcəllədə MİS-lərin fəaliyyətinə icazə verəcək heç bir müddəa yoxdur. Buna baxmayaraq, bu qurumlar qanunun tələbini pozaraq fəaliyyətini davam etdirməkdədir. 30 noyabr 2018-ci il tarixində "Azərbaycan Respublikasında mənzil fondunun özəlləşdirilməsi haqqında” Qanuna dəyişikliyə əsasən, bu günə qədər mənzillərdən yığılan xidmət haqlarına tətbiq edilən vahid tarif ləğv edilib.

Bu isə o dməkdir ki, MİS-lər əhalidən mənzil pulu da yığa bilməzlər. Çünki "Azərbaycan Respublikasında mənzil fondunun özəlləşdirilməsi haqqında” Qanunun 14-cü maddəsində birbaşa göstərilir ki, dövlət mənzil-istismar və təmir-tikinti təşkilatları özəlləşdirilmiş mənzillərin mülkiyyətçilərinə ancaq müqavilə əsasında xidmət göstərə bilər. Ancaq hələ də Mənzil İstismar Sahələri sakinlərdən mənzil haqqı və digər kommunal ödənişlər yığır. Ən xırda problemlər isə mənzil mülkiyyətçisinin öz vəsaiti hesabına həllini tapır.

Ekspertlər hesab edir ki, əhalinin yaşadığı mənzillərin böyük əksəriyyətinin özəl olmasına rəğmən, onun idarə edilməsi hələ də dövlətin inhisarındadır. Sovet dövründən qalmış, dövlət və ictimai mənzil fondunu idarə etmək üçün nəzərdə tutulmuş mənzil istismar sahələri (MİS) özəl mənzilləri idarə etməkdə davam edir. Bu isə mənzil mülkiyyətçilərinin Konstitusiya hüquqlarını birbaşa pozur. Belə ki, Azərbaycan Respublikasının Konstitusiyasının 29-cu maddəsinə görə, mülkiyyət hüququ mülkiyyətçinin əmlaka sahib olmaq, əmlakdan istifadə etmək və onun barəsində sərəncam vermək hüquqlarından ibarətdir. Hər il mənzil və kommunal təsərrüfatı xərcləri üçün dövlət büdcəsindən milyonlarla manat vəsait ayrılır.

2020-ci il dövlət büdcəsində mənzil və kommunal xərcləri üzrə 249,1 milyon manat vəsait proqnozlaşdırılıb. Bu barədə Maliyyə Nazirliyinin təqdim etdiyi 2020-ci ilin dövlət büdcəsi layihəsində də əksini tapmışdı. Layihəyə əsasən, bu, 2019-cu illə müqayisədə 96,6 milyon manat və ya 63,4 faiz çoxdur. Belə ki, ötən il mənzil və kommunal təsərrüfatı xərcləri üçün dövlət büdcəsindən 149, 5 milyon manat vəsait ayrılıb. 2018-ci ildə bu rəqəm 457,4 milyon, 2017-ci ildə isə 304,2 milyon manat olub. Bələdiyyələrlə yanaşı, bu qurumun da işlək olması istənilən halda büdcəyə israfçılıqdır.

Onu da bildirək ki, pandemiya dövründə "JEK” fəaliyyətsizliyi bir daha ortaya çıxdı. Türkiyədə bələdiyyələr əhaliyə genişmiqyaslı yardım etdi. Bundan əlavə, onların koronavirusla mübarizədə digər aktiv dəstək tədbirləri də müşahidə edildi. Azərbaycanda isə nə bələdiyyələrin, nəd "JEK”lərin bu məsələdə hər hansı fəaliyyətinə rast gəlinmədi. İllərdir ki, "JEK”lərin ləğvi və səlahiyyətlərinin bələdiyyələrə verilməsi təklif olunsa da, məsələ reallaşmır.

Millət vəkili Fazil Mustafa Cebhe.info-ya bildirib ki, artıq Azərbaycanda qəbul olunan Mənzil Məcəlləsinə görə "JEK”lər fəaliyyət göstərməməlidir:

"Faktiki olaraq Mənzil İstismar Sahələri 2009-cu ildə qəbul olunan Mənzil Məcəlləsində ləğv olunub. Azərbaycanda qanunlar bəzən qaydalardan sonra işlədiyinə görə "JEK”lərin ləğvi məsələsi öz həllini hələ də tapmayıb. "JEK”lər hələ də fəaliyyətini davam etdirir, bu da yalnışdır. Qanunun tələblərinə əməl olunsa, məsələ öz həllini tapar. Əlbəttə ki, yenidən bu məsələni Milli Məclisin gündəliyinə gətirmək olar. Dəfələrlə də gündəliyə salmışıq. Sadəcə olaraq, burada yol bələdiyyələrin statusunun qaldırılmasıdır. Bələdiyyələrin də statusunu qaldırmadıqca, vəziyyət belə davam edəcək. Yəni bu funksiyanı kimsə üzərinə götürməlidir. Bələdiyyə bunu götürə bilmirsə, faktiki olaraq qurumları saxlayırlar. Əslində yeni tikilən binalarda mənzil kooperativləri, idarə heyəti bunu həll edir. Binalarda başqa özünüidarəetmə qurumları da var. Yerlərdə isə bəldiyyələr bu funksiyanı götürməlidir. Sadəcə olaraq, bu funksiyanı bələdiyyəyə sanki çox görürlər”.

Deputat əlavə edib ki, bu gün bələdiyyələrə geniş imkanlar yaratmaq lazımdır. Eyni zamanda, onların icra hakimiyyətləri ilə bağlı münasibətlərini də dəqiqləşdirmək lazımdır ki, bu sahədə də irəliləyiş olsun.

Millət vəkili Əli Mənsimlinin sözlərinə görə isə Mənzil İstismar Sahələrinin dövranı çoxdan keçib:

"Mənzil İstismar Sahələrinin finksiyaları bələdiyyələrə verilməlidir. 10 ildir ki, bu məsələ ilə bağlı təkrar-təkrar deyirəm. Bu funksiya çoxdan bələdiyyələrə verilməli idi”.

Oxunub: 296

SON XƏBƏRLƏR

2024-11-21

03:05 Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva COP29-da təqdim edilən inklüziv sərgi ilə tanış olublar

02:53 Dağlar qoynundakı təbiət möcüzəsi - Kəlbəcər rayonunun Əsrik kəndindən FOTOREPORTAJ

02:33 Azadlığına qovuşmuş Ağdam quruculuq və inkişaf dövrünü yaşayır

2024-11-14

13:29 Bakıda COP29-un Liderlər Sammitinin açılış mərasimi

13:19 Bakıda COP29 çərçivəsində Parlament Görüşü keçiriləcək

13:10 It started 18 years ago with the UAE leadership’s pioneering vision to diversify the economy and address global sustainability challenges

13:04 Bakıda qadın heykəli buna görə sökülübmüş...SƏBƏB...FOTO

2024-11-13

12:04 Bakıda COP29-un Liderlər Sammitinin açılış mərasimi keçirilib

2024-11-06

13:06 Prezident İlham Əliyev Bakı Olimpiya Stadionunun ərazisindəCOP29-la bağlı yaradılan şəraitlə tanış olub VİDEO

12:50 Prezident İlham Əliyev: Azərbaycan TDT-nin möhkəmlənməsi istiqamətində səylərini bundan sonra da davam etdirəcək

12:47 Şeyxülislam: COP29-un Azərbaycanda keçirilməsi ölkəmiz üçün böyük əhəmiyyət daşıyır

XƏBƏR ARXİVİ

ÇOX OXUNANLAR

TƏBRİK EDİRİK!

Seyid Füğara Ağa

Keçmiş hakim dələduzluqda ittiham olunur - Adı qətl sifarişçisi kimi hallanıb

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Əlaqə

Haqqımızda

İDMAN

23:07 Birinci vitse-prezident Mehriban Əliyeva Paralimpiya Oyunlarında qızıl medal qazanan Lamiyə Vəliyevanı təbrik edib

01:14 “Paris-2024”: Azərbaycan basketbol millisi ABŞ-ı məğlub edib

01:23 Birinci vitse-prezident Mehriban Əliyeva Hidayət Heydərovun Olimpiya çempionu olması ilə bağlı paylaşım edib

Təqvim