Əli Həsənovun topdağıtmaz varidatı - Araşdırma aparılacaq?

REPORTAJ / 16.05.2020 15:02
Əli Həsənovun topdağıtmaz varidatı - Araşdırma aparılacaq?


Prezident İlham Əliyev qaçqın və məcburi köçkünlər üçün dövlət tərəfindən tikilən evlərin bölgüsü zamanı baş verən qanunsuz hallardan danışandan sonra Baş nazirin keçmiş müavini Əli Həsənov diqqət mərkəzinə gəlib. 

Əli Həsənov həm də 20 il (1998-2018) Qaçqınların və Məcburi Köçkünlərin İşləri üzrə Dövlət Komitəsinə rəhbərlik edib. Prezidentin tənqidi fikirləri məhz onun fəaliyyət dövrünə aid edilir. 

"Bu yaxınlarda mənə məlumat verildi, - bir binada yaşayanların 20 faizi heç köçkün deyildi. Necə gəliblər oraya? Kim onları yerləşdirib? Kim onları qeydiyyata alıb? Dövlət orqanları. Nəyinsə müqabilində bunu ediblər", - deyə ölkə başçısı çıxışında bildirib.

Bu məsələ barədə mediada vaxtaşırı materiallar dərc edilib. Məcburi köçkünlər üçün tikilən evlərin əslində satıldığı faktlarla ictimaiyyətin diqqətinə çatdırılıb. İndi bunun Prezident səviyyəsində dilə gətirilməsi artıq Əli Həsənovun fəaliyyətinin araşdırılması məsələsini zərurətə çevirib.

Bu arada Almaniyada yaşayan araşdırmaçı jurnalist Cavanşir Həsənli Əli Həsənov və ailə üzvlərinin biznesi barədə maraqlar faktlar açıqlayıb. Jurnalistin sözlərinə görə, Əli Həsənovun kürəkəni Elman Allahverdyev Almaniyanın Hamburq şəhərində ilk şirkətini – "Lohimex GMBH” ni 2014-cü ildə qeydiyyatdan keçirib. Bu şirkət hazırda logistika sahəsində fəaliyyət göstərir.

Elman Allahverdiyev 2015-ci ilin martında Almaniyanın Lüneburg ədliyyəsində "Glorios Hotels Resorts GMBH” şirkətini qeydiyyatdan keçirərək Bad Bevensen kiçik kurort şəhərində, Lerchenweg 1-də yerləşən və bir neçə miyon avro dəyərində olan Kieferneck otelini satın almışdı. 2016-cı il maliyyə ilini şirkət 300 min avro zərər vurduqdan sonra Elman Allahverdiyev oteli dəyər-dəyməzinə satıb. 

Azərbaycanda da Elman Allahverdiyevin və Əli Həsənovun qızı Roza Allahverdiyevanın çoxşaxəli biznesi var. Məsələn, Elman Allahverdiyevin 2004-cü ildə təsis etdiyi "Gardenia" Məhdud Məsuliyyətli Cəmiyyəti (hüquqi ünvanı Bakı şəhəri Nərimanov rayonu, Yusif Vəzir Çəmənzəminli, ev 134) yaşıllaşdırma, suvarma sistemlərinin quraşdırılması və satışı sahəsində ixtisaslaşıb, Hollandiya, İtaliya, Almaniya, İsrail, Türkiyə, Rusiyadan müvafiq sistemlərin, gübrələrin, dekorativ ağac və güllərin idxalını həyata keçirir. Şirkət Əli Həsənovun nüfuzu sayəsində iri dövlət sifarişlərindən külli-miqdarda vəsait əldə edib. Hazırda paytaxtın Atatürk prospektində, Novxanıda və Sumqayıtda hektarlarla ərazidə yaşıllaşdırma sahələri və 3 satış mərkəzi var.

Onun 2007-ci ilin aprelin 3-də təsis etdiyi "Semari" Məhdud Məsuliyyətli Cəmiyyəti də (hüquqi ünvanı Bakı şəhəri Yasamal rayonu, Məhəmməd ibn Hinduşah ev 618 məhəllə10, mənzil 16) bitkiçilik və yaşıllaşdırma sahəsində fəaliyyət göstərir.

Elman Allahverdiyevin təsiçiliyi ilə daha bir şirkət - "C.T.S. Automotiv” Məhdud Məsuliyyətli Cəmiyyəti 2006-cı ilin iyulunda qeydiyyatdan keçib, hüquqi ünvanı Bakı şəhəri Yasamal rayonu, Məhəmməd ibn Hinduşah, ev 618, məhəllə10, mənzil 16.

Əli Həsənovun qızı Roza Əli qızı Allahverdiyeva "Gardenia” MMC-nin maliyyə direktorudur. Əli Həsənovun qızı həmçinin 2016--cı ilin mayında qeydiyyatdan keçmiş "Golden House " Mənzil Tikinti Kooperativinin təsisçisidir. Şirkət tikinti sektorunda fəaliyyət göstərir və dövlət sifarişlərinin icrasında iştirak edir.

Elman Allahverdiyevin oğlu Nail Allahverdiyevlə bağlı qalmaqalı da yada salmaq yerinə düşər. O, 2017-ci ildə avtoxuliqanlıq nəticəsində qəza törədərək iki nəfərin ölümünə səbəb olmuşdu. Amma yüksək vəzifə sahibi olan babasının sayəsində iki il sonra azadlığa buraxıldı. Nail Allahverdiyevin bahalı avtomobillər kolleksiyası və yüksək sürət həvəskarı olduğu barədə də faktlar mövcuddur. 

Mənbə: "Yeni Sabah"



Oxunub: 64



SON XƏBƏRLƏR

2020-05-30

Product image

00:59 Qanınızın qatı və laxtalı olduğunu göstərən 5 əlamət - Mütləq yoxlayın

Product image

00:26 "Binə" və "Sədərək" ticarət mərkəzlərinin fəaliyyəti bərpa olunur - RƏSMİ

Product image

00:10 İrəvan ermənilərə necə verildi? – Faktlar

Product image

00:08 Koronavirus pandemiyası ilə əlaqədar MÜHÜM XƏBƏR

2020-05-29

Product image

01:28 Operativ Qərargahdan toyların keçirilməsi ilə bağlı açıqlama

Product image

01:23 SON DƏQİQƏ: rayonlara giriş-çıxış qadağası bu tarixdə LƏĞV EDİLİR - Prezident elan etdi

Product image

01:21 Roza Zərgərli yenə ombasını nümayiş etdirdi

Product image

01:12 Elmar Məmmədyarovun 95 yaşlı atası 51 ildir bu vəzifədə işləyir

Product image

01:04 İlham Əliyev: - "Azərbaycan Xalq Cümhuriyyəti qürur mənbəyimizdir".

Product image

00:56 Prezident onlara 100 mənzil, 50 avtomobil hədiyyə etdi

Product image

00:54 Prezident və xanımı “Qobu Park-3” yaşayış kompleksinin açılışını etdi

XƏBƏR ARXİVİ
ÇOX OXUNANLAR

TƏBRİK EDİRİK!

Heydər Əliyevin çətinliklə Polşadan gətirtdiyi "Göyərçin"lər hara yoxa çıxıb?

Seyid Füğara Ağa

Möhtəşəm mitinqi başladı - bütün dünya Azərbaycandan danışırYüz minlərlə insan küçələrə çıxdı!

Keçmiş hakim dələduzluqda ittiham olunur - Adı qətl sifarişçisi kimi hallanıb

Nərmanov icra başçısının oğlu əlində 20 min dollar və qolunda 130 min manatlıq saatla POZ VERDİ VİDEO+FOTO

İDMAN Product image

19:31 Tayson 15 il sonra rinqə qayıdır

Product image

21:02 "Beşiktaş"da koronavirus şoku: 8 yoluxma

Product image

00:07 FIFA-nın 70-ci konqresi onlayn qaydada keçiriləcək

Təqvim