Elə qorxunc sunami yaranacaq ki, şəhərləri yuyub aparacaq - ŞOK

CANLI TV / 17.05.2020 18:53

Rusiyanın qiyamət günü silahı kimi tanınan və 2018-ci ilin martında prezident Vladimir Putin tərəfindən ilk dəfə təqdim olunan "Poseydon” sualtı pilotsuz üzən döyüş aparatı çox qüdrətli nüvə başlığına malikdir. Bu aparat 1 kilometrdən çox dərinliyə enə və saatda 90 uzldan 100 uzla qədər sürət yığa bilir.

carciTV xəbər verir ki, bu haqda rusiyalı hərbi ekspert Viktor Baranets bildirib.

Onun sözlərinə görə, pilotsuz sualtı aparat qitələrarası silahdır, çox asanlıqla Yer kürəsini dövr edə və düşmən ölkənin sahilində mövqe tutub gözləyə, düşmənə sarsıdıcı zərbə vura bilər.

"Düşmən sahilinə nəzərəçarpmadan yaxınlaşan pilotsuz aparat orada dibə oturur və heç kim onu aşkar edə bilmir. Və döyüş komandası gözləyir”,-ekspert bildirib. Baranets hesab edir ki, komanda alandan sonra "Poseydon” nüvə partlayışı həyata keçirəcək. Nəticədə elə dəhşətli sunami yaranacaq ki, öz nəhəng kütləsi ilə yoluna çıxan hər şeyi-şəhərləri, təyyarədaşıyanları, gəmiləri yuyub aparacaq.

Hərbi icmalçı əmindir ki, Rusiyanın potensial rəqibləri "Poseydon” kimi analoqları heç yüz ildən sonra da əldə edə bilməyəcək.

Oxunub: 889